Maseka Butaka Mbuma ya Mbote!

BANKENTO zole vandaka kutambula na kisika yina bo ke salaka mumbongo na mbanza Baguio na Philippines. Bo monaka shario ya mikanda kansi bo pusanaka ve pene-pene na yo. Mpangi Helen yina vandaka ya kutelema na lweka ya shario yango vandaka kusekisa bo. Bankento yina lutaka kansi maseka ya Helen bendaka kibeni dikebi na bo.

Na nima, ntangu bankento yina vandaka kuvutuka na nzo na bisi, bo monaka kidimbu mosi ya nene ya jw.org na kibaka ya Nzo ya Kimfumu. Yo yibusaka bo kidimbu yina bo monaka na shario ya mikanda. Bo kulumukaka na bisi mpi bo pusanaka na kielo ya Nzo ya Kimfumu sambu na kutala manaka ya balukutakanu.

Na nima, bankento yina kwisaka na lukutakanu. Ntangu bo vandaka kukota na Nzo ya Kimfumu, bo monaka Helen. Mbala mosi bo zabaka yandi. Helen ke tuba nde: “Ntangu bo vandaka kupusana pene-pene na mono, mono waka boma. Mono yindulaka nde mbala ya nkaka mono me sala diambu ya mbi.” Kansi bankento yina songaka Helen nde bo monaka yandi na lweka ya shario ya mikanda.

Bana-bankento yina sepelaka ti lukutakanu mpi bampangi yambaka bo mbote. Ntangu bo monaka bampangi ke tula bunkete na Nzo ya Kimfumu na nima ya lukutakanu, bo zolaka mpi kusala ti bo. Nkento mosi na kati ya bana-bankento yina ke vandaka diaka ve na Philippines kansi yina ya nkaka yantikaka kukwisa na balukutakanu mpi yandi yantikaka kulonguka Biblia. Ya kieleka, maseka butaka kibeni mbuma ya mbote!