Keti Bambangi ya Yehowa Ke Kwikilaka na Yezu?

Ee. Beto ke kwikilaka na Yezu, yina tubaka nde: “Mono kele nzila mpi kieleka mpi luzingu. Ata muntu mosi ve ke kwisaka na Tata kana yandi kwisa ve na nzila na mono.” (Yoane 14:6) Beto ke kwikilaka nde Yezu katukaka na zulu mpi kwisaka na ntoto. Yandi pesaka luzingu na yandi ya kukuka bonso nkudulu. (Matayo 20:28) Lufwa mpi lufutumuku na yandi me pesaka bantu yina ke monisaka lukwikilu na yandi dibaku ya kuzinga mvula na mvula. (Yoane 3:16) Beto ke kwikilaka mpi nde ntangu yai Yezu ke yala bonso Ntotila ya Kimfumu ya Nzambi yina kele na zulu, Kimfumu yina ta tula ngemba na ntoto ya mvimba ntama mingi ve. (Kusonga 11:15) Kansi, beto ke ndimaka mambu yina Yezu tubaka nde: “Tata kele nene kuluta mono.” (Yoane 14:28) Yo yina, beto ke sambilaka ve Yezu sambu beto ke kwikilaka nde yandi kele ve Nzambi Nkwa-Ngolo Yonso.