Noti na Nsi ya Lutiti

a Mu mbandu, bantu ya kikanda ya Yoruba na Nigeria kele na lukwikilu ya nsiku ya bambuta na yina metala réincarnation (kubutuka ya mutindu ya nkaka na nima ya lufwa) ya moyo. Na yau kana mama mefwila mwana mosi, mawa kele ya mingi kansi sambu na nsungi ya nkufi, sambu kitini ya nkunga mosi ya Yoruba ketuba nde: “Yina kele masa metyamuka. Kansi nkalu mepasuka ve.” Na kutadila bantu ya Yoruba, yau ketendula nde nkalu yina kele ti masa, mama, yandi lenda kuyimita mwana ya nkaka​—⁠mbala ya nkaka kubutuka ya nkaka ya mwana yina kufwaka. Bambangi ya Yehowa kelandaka ata nsiku ya bambuta mosi ve yina kele na lufulu na kutitatita yina mekatuka na bangindu ya luvunu ya moyo yina kefwaka ve mpi na kubutuka ya mutindu ya nkaka ya moyo (réincarnation), yina kele ve ti lufulu na kati ya Biblia.​—⁠Longi 9:5, 10; Ezekiele 18:4, 20.