Noti na Nsi ya Lutiti

a Mu mbandu, ntangu yandi ke yula Yezu sambu na nki yandi ya kele Muyuda yandi ke solula ti muntu ya Samaria, yandi ke tubila kukonda kuwakana mosi ya ntama yina ke vandaka na kati ya Bayuda ti bantu ya Samaria. (Yoane 4:9) Nkento yina ke tuba mpi nde bantu ya Samaria vandaka bana ya Yakobi, diambu yina Bayuda ya ntangu yina vandaka kundima ve ata fioti. (Yoane 4:12) Nkutu bo vandaka kubinga bantu ya Samaria nde bantu ya Kuta sambu na kumonisa nde bo kele ve bana ya Yakobi, kansi bo katukaka na bansi ya nzenza.