Noti na Nsi ya Lutiti

e Zeresesi I zabanaka bonso muntu yina ke soba-sobaka mabanza na yandi mpi ke waka makasi. Hérodote, Mugreki yina vandaka nsoniki ya mambu ya ntama, sonikaka mwa mambu yina Zeresesi salaka na bamvita yina yandi nwanaka ti Grese. Zeresesi pesaka ntuma nde bo tula bamaswa mingi kisika mosi mpi yo sala bonso pont sambu na kuzenga détroit ya Hellespont. Ntangu mupepe mosi ya ngolo bebisaka pont yina, Zeresesi pesaka ntuma nde bo zenga ba-ntu ya bantu ya mayele yina salaka yo mpi zabisaka bantu na yandi na kupesa masa ya Hellespont “ndola” na kubulaka yo fimbu ti kutuba mafingu na ndinga ya ngolo. Kaka na mvita yango, ntangu mvwama mosi bondilaka ntotila sambu nde mwana na yandi kukwenda ve na bitumba, Zeresesi songaka bantu na kuzenga mwana yango na bandambu zole mpi songisaka bantu mvumbi na yandi sambu na kukebisa bo.