Noti na Nsi ya Lutiti

a “Luswaswanu ya nene [na kati ya Yezu ti Bafarize]” kemonikaka pwelele kaka na mitindu zole ya kuswaswana ya bo vandaka kubakisa Nzambi. Sambu na Bafarize, Nzambi kele muntu yina kelombaka bantu mambu mingi; kansi sambu na Yezu, yandi kele muntu yina kewilaka bantu mawa. Ya kyeleka, Mufarize vandaka kubuya ve bumbote mpi zola ya Nzambi, kansi sambu na yandi, Nzambi kumonisaka yo na dikabu ya Torah [Nsiku] mpi sambu na kulungisa mambu yina Nsiku vandaka kulomba. . . . Bafarize vandaka kumona kuzitisa bansiku ya bambuta, ti mutindu na yo ya kutendula nsiku, bonso nzila ya kulungisa Torah. . . . Mutindu Yezu kutombulaka bansiku zole ya zola (Mat. 22:34-40) sambu yo vanda na ntendula ya mbote mpi mutindu yandi losaka mambu yina vandaka na kuwakana ti nsiku ya bambuta . . . kukumisaka yandi na kimbeni ti malongi ya Bafarize yina vandaka kutadila mambu ya kansansa.”​—The New International Dictionary of New Testament Theology.