Noti na Nsi ya Lutiti

c NTENDULA YA BIFWANISU: Kulonguka Biblia lenda sadisa muntu na kusoba bikalulu na yandi: Muntu mosi vandaka kuyindula ntete nde luzingu na yandi vandaka ve mfunu mpi yandi zabaka ve Yehowa. Na nima, Bambangi ya Yehowa solulaka ti yandi na kisalu ya kusamuna mpi yandi ndimaka kulonguka Biblia. Mambu yina bo me longa yandi me sadisa yandi na kudipesa na Yehowa mpi na kubaka mbotika. Na nima, yandi mpi na ture na yandi me kuma kusadisa bantu na kukuma balongoki. Na nima, bo yonso ke zinga na kiese na Paladisu.