Noti na Nsi ya Lutiti

a Beto ke waka kiese kana bantu ke ndima kulonguka Biblia, kansi yo ke salaka beto mpasi kana bo ke buya. Ebuna nge ke waka nki mutindu kana muntu yina nge ke longuka ti yandi Biblia ke yela ve? To nki mutindu nge ke waka kana nge me longukaka ntete ve Biblia ti muntu tii na mbotika? Keti yo ke tendula nde nge me kuka ve kusala kisalu ya kukumisa bantu balongoki? Na disolo yai, beto ta mona sambu na nki beto lenda sala mbote kisalu ya kulonga nsangu ya mbote ata bantu kundima yo to ve.