Noti na Nsi ya Lutiti

a Beto ke sepelaka mingi ntangu beto ke tangaka mambu ya kuyituka yina Yezu salaka. Mu mbandu, yandi manisaka mupepe ya ngolo, yandi belulaka bambefo mpi yandi futumunaka bafwa. Bo sonikaka masolo yina na Biblia sambu na kulonga beto, kansi ve sambu na kulutisa beto ntangu. Beto ta tadila mwa mambu ya kuyituka yina Yezu salaka mpi malongi yina yo ke longa beto sambu na Yehowa mpi Yezu. Beto ta mona mpi bikalulu ya mbote yina beto fwete yedisa.