Noti na Nsi ya Lutiti

a Ntangu Yezu tubilaka kidimbu ya bilumbu ya nsuka, yandi pesaka balongoki na yandi bingana mingi. Ya ntete tubilaka “mpika ya kwikama mpi ya mayele,” kimvuka ya fioti ya bampangi yina bo me tulaka mafuta, bayina fwete twadisa bansadi ya Nzambi. (Matayo 24:45-47) Na nima, yandi pesaka bingana ya nkaka ya ke tadila Bakristu yonso ya bo me tulaka mafuta. (Matayo 25:1-30) Na nsuka, yandi tubilaka bantu yina ta sadisa bampangi ya Kristu mpi ta zinga mvula na mvula na ntoto. (Matayo 25:31-46) Mutindu mosi, ntangu mbikudulu ya Ezekiele yantikaka kulungana na bilumbu na beto, yo tadilaka ntete-ntete bampangi yina kele ti kivuvu ya kuzinga na zulu. Ata makanda kumi ya Izraele ke monisaka ve ntangu yonso bampangi yina ta zinga mvula na mvula na ntoto, bumosi yina mbikudulu ke tubila ke yibusa beto nde bampangi yai ke sambilaka Nzambi na bumosi ti bampangi yina bo me tulaka mafuta.