Nkunga

—Bika Izraele kutuba ntangu yai nde—

 2 “Katuka kileke na mono bambeni ke nwanisaka mono ntangu yonso;+

Kansi bo me bedisaka mono ve.+

 3 Bantu yina ke bundulaka ntoto me bundula na mukongo na mono;+

Bo me kumisa banzila ya mikala na bo nda.”

4 Kansi Yehowa kele muntu ya lunungu;+

Yandi me zenga bansinga ya bantu ya mbi.+

 5 Bo ta pesa bo nsoni mpi bo ta vutuka nima sambu na nsoni,

Bantu yonso yina ke mengaka Sioni.+

 6 Bo ta kuma bonso matiti na zulu ya baludi ya banzo

Yina ke yumaka na ntwala nde bo tumuna yo,

 7 Yina lenda fulusa ve diboko ya muntu yina ke katulaka bima na bilanga,

To maboko ya muntu yina ke vukisaka bita ya matiti.

“Bika lusakumunu ya Yehowa kuvanda na beno;

Beto ke sakumuna beno na zina ya Yehowa.”