Nkunga

137 Kuna pene-pene ya banzadi ya Babilone,+ beto vandaka me vanda.

Beto dilaka ntangu beto yibukaka Sioni.+

2 Na zulu ya banti ya pepliye yina vandaka na kati-kati na yo,*

Beto tulaka bakidare na beto.+

3 Sambu kuna bantu yina kangaka beto na kimpika lombaka beto nkunga,+

Bantu yina vandaka kuseka beto zolaka nde beto pesa bo kiese:

“Beno yimbila beto nkunga mosi ya Sioni.”

4 Inki mutindu beto lenda yimba nkunga ya Yehowa

Na ntoto ya nzenza?

5 Kana mono vila nge, O Yeru- zalemi,

Bika diboko na mono ya kitata kuvila kusala kisalu na yo.*+

6 Bika ludimi na mono kukangama na kitini ya zulu ya kati ya munoko na mono

Kana mono yibuka nge ve,

Kana mono tula ve Yeruzalemi na zulu

Ya bikuma na mono ya kuluta nene ya kuyangalala.+

7 O Yehowa, yibuka

Mambu yina bantu ya Edomi tubaka kilumbu Yeruzalemi bwaka:

“Beno bwisa yo! Beno bwisa yo tii na bafondasio na yo!”+

8 O mwana-nkento ya Babilone, yina bo ta bebisa ntama mingi ve,+

Kiese na muntu yina ta futa nge

Mambu ya mutindu mosi ti yina nge salaka beto.+

9 Kiese na muntu yina ta kanga bana na nge

Mpi ta bula bo na matadi ya nene sambu bo panzana.+