Nkunga
Sambu na ntwadisi. Nkunga ya Davidi.
140 O Yehowa, gulusa mono na bantu ya mbi;
Tanina mono na bantu ya mubulu,+
2 Bantu yina ke kanaka mambu ya mbi na bantima na bo+
Mpi yina ke basisaka mavwanga kilumbu ya mvimba.
3 Bo me tula baludimi na bo makasi bonso ludimi ya nioka;+
Mambu ya bo ke tubaka kele bonso ndikila ya biwuta.+ (Sela)
4 O Yehowa, tanina mono na maboko ya muntu ya mbi;+
Tanina mono na bantu ya mubulu,
Bantu yina ke kana kubwisa mono.
5 Bantu ya lulendo me bumba mutambu sambu na kukanga mono;
Bo me yalumuna bukondi ti bansinga pene-pene ya nzila.+
Bo me tudila mono mitambu.+ (Sela)
6 Mono ke tubila Yehowa nde: “Nge kele Nzambi na mono.
O Yehowa, wa bisambu ya mono ke sala sambu na kulomba lusadisu.”+
7 O Yehowa Mfumu ya Kuluta Nene, Ngulusi na mono ya ngolo,
Nge ke tanina ntu na mono na kilumbu ya bitumba.+
8 O Yehowa, kulungisa ve banzala ya bantu ya mbi.
Kubika ve nde mambu ya bo ke kana kununga, sambu bo kudinangula ve.+ (Sela)
9 Bika nde mambu ya mbi yina bantu ya me ziunga mono ke tuba
Kuvanda na zulu ya ba-ntu na bo mosi.+
10 Bika makala ya tiya kubwila bo.+
11 Bika muntu yina ke kusilaka bantu makambu kumona ve kisika na ntoto.*+
Bika mambi kulanda bantu ya mubulu mpi kufwa bo.
12 Mono ke zaba nde Yehowa ta nwanina muntu ya kukonda mfunu
Mpi ta zenga mambu ya bansukami na lunungu.+