• Bawanzio Kele Banani mpi Nki Bo Ke Salaka?
    Zinga Mvula na Mvula!—Kulonguka ya Biblia Yina Ta Natila Nge Mambote
    • Bima mingi ya kele ti kuwakana ti mazi mpi bisalu ya bampeve ya mbi: Tablo ya bo ke bingaka planchette oui-ja, dimbuma ya cristal, mikanda ya ba vampire, bakarte, biteki ya bo ke bingaka vaudou, ndumbu, nsinga to kiteki ya fioti yina bantu ke lwataka mpi mayaka.

      5. Buya bisalu ya bampeve ya mbi

      Satana ti bademo kele bambeni ya Yehowa. Bo kele mpi bambeni na beto. Beno tanga Luka 9:38-42 mpi na nima beno pesa mvutu na ngiufula yai:

      • Inki mambu bademo ke salaka bantu?

      Beto fwete bika ve nde bademo kuyala beto. Beno tanga Kulonga 18:10-12 mpi na nima beno pesa mvutu na bangiufula yai:

      • Inki mutindu bademo ke sosaka kuyala beto mpi kusolula ti beto? Inki bisalu ya bampeve ya mbi ke salamaka mingi na kisika ya nge ke zingaka?

      • Keti nge ke mona nde yo kele mbote mutindu Yehowa ke buyisaka beto bisalu ya bampeve ya mbi? Sambu na nki?

      Beno tala VIDEO mpi na nima beno pesa mvutu na bangiufula ya ke landa.

      VIDEO: “Beno Vanda Bambeni ya Diabulu” (5:02)

      • Nge ke ndima nde nsinga yina Palesa lwatisaka mwana na yandi ya nkento vandaka kigonsa? Sambu na nki?

      • Yo lombaka nde Palesa kusala nki sambu na kuditanina na bademo?

      Bakristu ya kieleka ke vandaka ntangu yonso bambeni ya bademo. Beno tanga Bisalu 19:19 mpi 1 Bakorinto 10:21. Na nima beno pesa mvutu na ngiufula yai:

      • Sambu na nki yo kele mfunu na kuyoka to kufwa bima yonso ya kele na kuwakana ti bisalu ya bampeve ya mbi?

      Nkento mosi ke yoka bima mingi ya kele na kuwakana ti bisalu ya bampeve ya mbi.
  • Inki Ke Kuminaka Beto Kana Beto Me Fwa?
    Zinga Mvula na Mvula!—Kulonguka ya Biblia Yina Ta Natila Nge Mambote

    • 2. Kuzaba kieleka sambu na bafwa ke natilaka beto nki mambote?

      Bantu mingi ke bangaka lufwa mpi nkutu bo ke waka boma ya bantu yina me fwaka. Kansi mambu yina Biblia ke tubaka sambu na lufwa ke pesaka kikesa. Yezu tubaka nde: “Kieleka ta katula beno na kimpika.” (Yoane 8:32) Mabundu ya nkaka ke longaka nde kana muntu me fwa, moyo na yandi ke landaka kuzinga. Kansi yai kele ve mambu ya Biblia ke longaka. Ata muntu mosi ve ke monaka mpasi na nima ya lufwa. Diaka, bafwa lenda sala beto ve mbi sambu bo ke zabaka ve ata kima. Yo yina, yo kele ve mfunu na kusambila bafwa, na kusadila bo mambu sambu bo wila beto ve makasi to mpi na kusamba sambu na bo.

      Bantu ya nkaka ke tubaka nde bo ke solulaka ti bantu yina me fwaka. Kansi, mambu yai lenda salama ve ata fioti. Mutindu beto me katuka kumona yo, bafwa ke zabaka ve kima. Na kutuba ya masonga, bantu yina ke tubaka nde bo ke solulaka ti bafwa ke solulaka ti bademo yina ke kudikumisaka bonso bantu yina me fwaka. Yo yina kuzaba kieleka sambu na bafwa ta tanina beto na bademo. Yehowa ke songaka beto na kumeka ve ata fioti kusolula ti bafwa sambu yandi ke zabaka nde kana beto solula ti bademo, bo ta sala beto mbi.​—Tanga Kulonga 18:10-12.