-
“Beno Ta Vutuka na Luzingu”Yehowa Me Vutula Lusambu ya Bunkete!
-
-
9. Inki kuwakana kele na kati ya mambu yina Izraele ya ntama ya kinsuni kutanaka ti yo mpi mambu yina “Izraele ya Nzambi” kutanaka ti yo?
9 Bambikudulu ya me tala Izraele yina me tala kuvutula bima yonso, mu mbandu yina Ezekiele tubilaka, me lunganaka na mutindu ya nene kibeni. (Bis. 3:21) Kaka mutindu dikanda ya ntama ya Izraele ya kinsuni ‘fwaka’ mpi vandaka ya kufwa na mutindu ya kifwani na nsungi ya bamvula mingi, mutindu mosi “Izraele ya Nzambi,” disongidila dibundu ya Bakristu yina bo me tulaka mafuta, fwaka na mutindu ya kifwani mpi bo vandaka na kimpika yina vandaka bonso lufwa na nsungi ya bamvula mingi. (Bag. 6:16) Ya kieleka, kimpika ya dibundu ya mvimba ya Bakristu yina bo me tulaka mafuta salaka bamvula mingi yo yina na kimpeve bo vandaka bonso mikwa yina “vandaka ya kuyuma kibeni.” (Ezek. 37:2) Mutindu kapu yina me luta monisaka yo, kimpika ya dibundu ya Bakristu yina bo me tulaka mafuta yantikaka na mvu-nkama ya zole T.B. mpi yo salaka bamvula mingi, kaka mutindu Yezu monisaka yo na kingana na yandi ya me tala Kimfumu yina ke tubila ble mpi matiti ya mbi.—Mat. 13:24-30.
Mikwa ya “kuyuma kibeni” yina Ezekiele monaka na mbona-meso monisaka nsungi ya bamvula mingi yina bansadi ya Yehowa yina bo me tulaka mafuta vandaka na kimpika mpi bo vandaka bonso bantu ya kufwa (Tala paragrafe 8, 9)
-
-
“Beno Ta Vutuka na Luzingu”Yehowa Me Vutula Lusambu ya Bunkete!
-
-
a Mikwa yina Ezekiele monaka na mbona-meso vandaka ve ya bantu yina fwaka na maladi to na kikuma ya nkaka, kansi yo vandaka ya bantu yina “bo fwaka.” (Ezek. 37:9) Ya kieleka, bo fwaka “nzo ya mvimba ya Izraele” na mutindu ya kifwani ntangu bantu ya Asiria mpi ya Babilone nwanisaka mpi nataka na kimpika bantu ya kimfumu ya makanda kumi ya Izraele mpi bantu ya kimfumu ya makanda zole ya Yuda.
-