13. Na nima ya bamvu 1930, na mvita ya zole ya ntoto ya mvimba, nki mambu ntotila ya nordi salaka?

¹³ Na nima, na bamvu 1930 mingi-mingi na mvita ya zole ya ntoto ya mvimba, ntotila ya nordi bangikaka ngolo bansadi ya Nzambi. Ntangu kimvuka ya Nazi kumaka kuyala insi Allemagne, Hitler ti bantu na yandi buyisaka kisalu ya bansadi ya Nzambi. Bo fwaka bansadi ya Yehowa mingi mpi nataka bankaka na bisika yina bo vandaka kusadisa bo bisalu ya ngolo. Daniele tubaka na ntwala mambu yai. Ntotila ya nordi ‘vwezaka kisika ya santu’ mpi ‘katulaka kimenga ya konso ntangu’ mutindu yandi buyisaka bansadi ya Nzambi na kukumisa Nzambi na meso ya bantu. (Dan. 11:30b, 31a) Hitler tubaka nde yandi ta manisa bansadi ya Nzambi yonso na Allemagne.

BAMBENI ZOLE KE SALA KUMOSI

17. “Kima ya nzanzi yina ke nataka lufwa” kele nki?

¹⁷ Ntotila ya nordi pesaka ntotila ya sudi maboko na kulungisa kima mosi yina yandi kanaka, ‘Bo tulaka kima ya nzanzi yina ke nataka lufwa.’ (Dan. 11:31) “Kima ya nzanzi” kele Nations-Unies.

18. Sambu na nki Biblia ke bingaka Nations-Unies “kima ya nzanzi”?

¹⁸ Biblia ke bingaka Organisation des Nations unies “kima ya nzanzi” sambu yo ke bulaka ntulu nde yo lenda tula ngemba na ntoto, diambu yina Kimfumu ya Nzambi mpamba lenda sala. Biblia ke tuba diaka nde kima ya nzanzi “ke nataka lufwa” sambu Nations-Unies ta fwa mabundu yonso ya luvunu. Tala lupangu “Bantotila Zole ya Kele na Kimbeni na Ntangu ya Nsuka.”