-
Ata Kima Mosi Ve Lenda ‘Kabula Beto na Zola ya Nzambi’Kwenda Pene-Pene na Yehowa
-
-
19 Yehowa ke kuditulaka na kisika na beto. Kuditula na kisika ya muntu ya nkaka ke tendula nki? Mukristu mosi ya kwikama ya mununu tubaka nde: “Kuditula na kisika ya muntu ya nkaka ke tendula kuwa mpasi na yandi na ntima na nge.” Keti Yehowa ke waka mpasi ntangu beto ke niokwamaka? Biblia ke tuba sambu na bampasi ya bantu ya Izraele nde: “Na ntangu ya bampasi na bo yonso, yo vandaka mpasi sambu na yandi.” (Yezaya 63:9, NW) Yehowa sukaka ve kaka na kumona bampasi na bo, yandi kuditulaka mpi na kisika na bo. Yehowa ke monisa mpasi ya ngolo yina yandi waka na bangogo yai: “Konso muntu yina kesimba beno, yandi ketula musapi na disu na mono.”b (Zakaria 2:8, NW) Yo pesaka yandi mpasi kibeni! Ya kieleka, Yehowa ke kuditulaka na kisika na beto. Ntangu beto ke waka mpasi, yandi ke waka mpi mpasi.
-
-
Ata Kima Mosi Ve Lenda ‘Kabula Beto na Zola ya Nzambi’Kwenda Pene-Pene na Yehowa
-
-
b Babiblia ya nkaka ke tubaka na verse yai nde, muntu yina ke simba bantu ya Nzambi me tula musapi na disu ya Nzambi ve, kansi na disu ya Izraele, to ya muntu yango yandi mosi. Balongi ya nkaka ya bansiku bantu kotisaka kifu yai; bo monaka nde verse yai ke zitisa ve Nzambi, yo yina bo sobaka yo. Bikesa na bo yina ya mbi bumbaka kikalulu ya Yehowa ya kuditula na kisika ya bantu.
-