Watchtower MIKANDA YA KE NA INTERNET

Yehowa Kele Nzambi ya Nki Mutindu?

Zinga Mvula na Mvula!—Kulonguka ya Biblia Yina Ta Natila Nge Mambote
- 3. Inki mutindu Yehowa ke monisaka nde yandi ke zolaka beto?
  
  Zola kele kikalulu ya ntete-ntete ya Yehowa. Ya kieleka, “Nzambi kele zola.” (1 Yoane 4:8) Biblia mpi bima yina Yehowa me salaka, ke monisaka nde yandi ke zolaka beto. (Tanga Bisalu 14:17.) Mu mbandu, tala mutindu yandi me salaka beto. Yandi me pesaka beto mayele ya kutala bakulere ya kitoko, ya kuwa miziki ya kitoko mpi ya kumeka madia ya ntomo. Yandi ke zolaka nde beto sepela ti luzingu.

Baka Dikabu ya Luzingu na Valere

Zinga Mvula na Mvula!—Kulonguka ya Biblia Yina Ta Natila Nge Mambote
- 1. Sambu na nki beto fwete baka luzingu na valere?
  
  Beto fwete baka luzingu na valere sambu yo kele dikabu yina Yehowa, Tata na beto ya zola, me pesaka beto. Yandi kele “nto ya luzingu” sambu yandi muntu me salaka bima yonso ya ke zingaka. (Nkunga 36:9) “Yandi muntu ke pesaka bantu yonso luzingu, mpema, mpi bima yonso.” (Bisalu 17:25, 28) Yehowa ke pesaka beto bima yonso yina beto ke vandaka na yo mfunu sambu na kuzinga. Katula yina, yandi me yidikaka mambu sambu beto sepela ti luzingu.—Tanga Bisalu 14:17.