• Inki Biblia Ke Tubaka na Yina Me Tala Makwela mpi Kukonda Kukwela?
    Zinga Mvula na Mvula!—Kulonguka ya Biblia Yina Ta Natila Nge Mambote

    • 5. Pona mbote muntu yina nge fwete kwelana ti yandi

      Kupona muntu yina nge ta kwelana ti yandi kele mpi lukanu ya kuluta mfunu. Beno tanga Matayo 19:4-6, 9 mpi na nima beno pesa mvutu na ngiufula yai:

      • Sambu na nki Mukristu fwete nwanina ve na kukwela?

      Biblia ta sadisa nge na kuzaba bikalulu yina ­muntu fwete vanda ti yo sambu yandi vanda nkwelani ya mbote. Kima ya kuluta mfunu, muntu yina nge ke zola kukwelana ti yandi fwete zola Yehowa.b Beno tanga 1 Bakorinto 7:39 mpi 2 Bakorinto 6:14. Na nima beno pesa mvutu na bangiufula yai:

      • Sambu na nki beto fwete kwelana kaka ti mpangi na beto Mukristu?

      • Nge ke yindula nde Yehowa ta wa nki mutindu kana Mukristu me kwelana ti muntu yina ke zolaka ve Yehowa?

      Bo me kangisa ngombe mosi ya nene ti mwana-mpunda dibaya mosi na nkingu mpi yo zole ke tambula na mpasi.

      Kana bo me kangisa bambisi zole ya me swaswana kisika mosi, yo zole ta niokwama. Mutindu mosi mpi, kana Mukristu kukwelana ti muntu yina ke zolaka ve Yehowa, yandi ta kutana ti bampasi mingi