-
Inki Biblia Ke Tubaka Sambu na Kisalu mpi Mbongo?Zinga Mvula na Mvula!—Kulonguka ya Biblia Yina Ta Natila Nge Mambote
-
-
2. Inki Biblia ke tubaka sambu na mbongo?
Biblia ke tubaka nde “mbongo ke taninaka.” Kansi yo ke songaka beto mpi nde mbongo yo mosi lenda pesa beto ve kiese. (Longi 7:12) Yo yina, Biblia ke lombaka beto na kuzola ve mbongo kansi na ‘kusepela ti bima yina beto kele na yo.’ (Tanga Baebreo 13:5.) Kana beto ke landa kusepela ti bima yina beto kele na yo, beto ta kudiyangisa ve mingi ata beto kele ve ti bima ya kufwana. Beto ta baka mpi ve bamfuka ya kukonda mfunu. (Bingana 22:7) Diaka, beto ta bwa ve na mutambu ya kubula bansaka ya mbongo to ya kusala kisalu yina kele kigonsa kaka sambu beto kuma bamvwama nswalu.
-
-
Inki Biblia Ke Tubaka Sambu na Kisalu mpi Mbongo?Zinga Mvula na Mvula!—Kulonguka ya Biblia Yina Ta Natila Nge Mambote
-
-
5. Mambote ya kusepela ti bima ya beto kele na yo
Bantu mingi ke sosaka kukuma ti mbongo mingi. Kansi Biblia ke lombaka beto ve na kusala mutindu yai. Beno tanga 1 Timoteo 6:6-8 mpi na nima beno pesa mvutu na ngiufula yai:
Inki Biblia ke lomba beto na kusala?
Beto lenda vanda na kiese ata beto kele ti mbongo fioti. Beno tala VIDEO mpi na nima beno pesa mvutu na ngiufula ya ke landa.
Inki ke sadisaka mabuta yai na kuvanda na kiese ata bo kele na mbongo fioti?
Ebuna nki nge ke yindula kana beto kele dezia ti mbongo mingi kansi beto ke zola kaka kukuma ti yo mingi kuluta? Yezu pesaka mbandu mosi sambu na kumonisa kigonsa ya kusala mutindu yai. Beno tanga Luka 12:15-21 mpi na nima beno pesa mvutu na ngiufula yai:
Mbandu yina Yezu pesaka ke longa nge nki?—Tala verse 15.
Beno tanga Bingana 10:22 mpi 1 Timoteo 6:10 mpi beno fwanisa yo. Na nima beno pesa mvutu na bangiufula yai:
Nge ke yindula nde nki kele kima ya kuluta mfunu: Kuvanda ti kinduku ya ngolo ti Yehowa to kuvanda ti mbongo mingi? Sambu na nki?
Inki bampasi kuzola kuzwa mbongo mingi ke nataka?
-