Kisika bafoto me katuka:

◼ Lutiti 14: © COMSTOCK Images/​age fotostock

◼ Lutiti 134: Mixa/​age fotostock

◼ Lutiti 201: © bilderlounge/​Tips RF/​age fotostock

Mukanda yai kele ve ya kuteka. Kubasika na yo kele mosi ya mitindu ya kisalu ya kulonga bantu Biblia na ntoto ya mvimba ya me simbama na makabu ya luzolo ya mbote.

Sambu na kupesa makabu, kwenda na www.pr418.com.

Kana beto me zabisa yo ve, mikapu ya Biblia me katuka na Biblia—Mbalula ya Nsi-Ntoto ya Mpa ya bo me sonika na ndinga yina bantu ke tubaka bilumbu yai.

Kuniemama ya Aprili 2016

Kongo (lv-MK)

Mpangi ya Ke Zolaka Yehowa:

Yezu tubaka nde: “Beno beno ta zaba kieleka, ebuna kieleka ta katula beno na kimpika.” (Yoane 8:32) Bangogo yai ke pesa kibeni kikesa! Ya kieleka, beto lenda zaba kieleka, ata na ‘bilumbu yai ya nsuka’ mpi ya mpasi ya me fuluka ti luvunu. (2 Timoteo 3:1) Keti nge ke yibuka ntangu nge zabaka kieleka mutindu Ndinga ya ?Nzambi ke tendulaka yo? Yo vandaka diambu ya kiese mingi!

Kansi, kaka mutindu yo kele mfunu na kuvanda ti ?nzayilu ya sikisiki ya kieleka mpi na kusamuna mbala na mbala sambu na kuzabisa yo na bantu ya nkaka, yo kele mpi mfunu nde beto zinga na kuwakana ti kieleka. Yo yina, beto fwete bikala na zola ya Nzambi. Yo ke lomba inki? Mambu yina Yezu tubaka na mpimpa ya nsuka na ntwala ya kufwa ke pesa mvutu na ngiufula yai. Yandi songaka bantumwa na yandi ya kwikama nde: “Kana beno ke zitisa bansiku na mono, beno ta bikala na zola na mono, mutindu mono me zitisaka bansiku ya Tata mpi ke bikalaka na zola na yandi.”​—Yoane 15:10.

Simba nde Yezu bikalaka na zola ya Nzambi na mutindu yandi vandaka kuzitisa bansiku ya Tata na yandi. Yo kele mutindu mosi sambu na beto bubu yai. Sambu na kubikala na zola ya Nzambi, beto fwete zinga na kuwakana ti kieleka na luzingu na beto ya konso kilumbu. Kaka na mpimpa yina, Yezu tubaka nde: “Kana beno me zaba mambu yai, beno ta vanda na kiese kana beno ke sala yo.”​—Yoane 13:17.

Beto kele ti kivuvu nde mukanda yai ta sadisa nge na kulanda kusadila malongi ya kieleka na luzingu na nge, ebuna nge ta bikala ‘na zola ya Nzambi sambu na kubaka luzingu ya mvula na mvula.’​—Yude 21.

1, 2. Inki kepusaka nge na kuzola Yehowa Nzambi?

KETI nge kezolaka Nzambi? Kana nge mekudipesaka na Yehowa Nzambi, nge tapesa mvutu na ngolo yonso nde ee, mpi yo kele mbote kibeni! Ya kyeleka, yo mefwana mpenza nde beto zola Yehowa. Beto kezolaka Nzambi sambu yandi muntu kuzolaka beto ntete. Biblia ketuba yo mutindu yai: “Beto ke [zolaka] sambu Nzambi muntu zolaka beto ntete.”​—1 Yoane 4:19.

² Yehowa muntu kusalaka kitambi ya ntete sambu na kumonisila beto zola na yandi. Yandi mepesaka beto kisika ya kitoko ya kuzinga, ntoto. Yandi kelungisaka bampusa na beto ya kinsuni. (Matayo 5:43-48) Kuluta dyaka, yandi kelungisaka bampusa na beto ya kimpeve. Yandi mepesaka beto Ndinga na yandi, Biblia. Dyaka, yandi kelomba beto na kusamba yandi ti kivuvu nde yandi tawa beto mpi tapesa beto mpeve santu na yandi sambu na kusadisa beto. (Nkunga 65:3; Luka 11:13) Kuluta yonso, yandi tindaka Mwana na yandi ya kuluta mfunu sambu na kuvanda Ngulusi na beto na mpila nde beto lenda katuka na kimpika ya masumu mpi ya lufwa. Ee, Yehowa memonisilaka beto zola ya nene mpenza!​—Tanga Yoane 3:16; Roma 5:8.

3. (a) Yo kelomba nde beto sala inki sambu na kubikala na zola ya Nzambi? (b) Inki ngyufula ya mfunu beto fwete tadila, mpi mvutu kele na wapi?

³ Yehowa kezolaka nde beto baka mambote ya zola na yandi kimakulu. Kansi, beto lenda pona na kubaka mambote ya zola yina to ve. Ndinga ya Nzambi kelongisila beto nde: ‘Beno zinga kaka na kuzola yina ya Nzambi ke zolaka beno sambu na moyo ya mvula na mvula.’ (Yude 21) Bangogo “beno zinga kaka” kemonisa nde kele ti mambu ya beto fwete sala sambu na kubikala na zola ya Nzambi. Beto fwete ndima zola na yandi na mitindu ya sikisiki. Ngyufula ya mfunu ya beto fwete kudiyufula kele yai: ‘Inki mutindu mono lenda monisa zola na mono sambu na Nzambi?’ Mvutu kele na bangogo yai ya kupemama ya ntumwa Yoane: “Yai kele disongidila ya zola ya Nzambi, nde beto zitisa bansiku na yandi; mpi bansiku na yandi kele kilo ve.” (1 Yoane 5:3, NW) Beto fwete tadila mbote-mbote ntendula ya bangogo yai, sambu