Manaka Sambu na Mposo ya Aprili 18

MPOSO YA KEBANDA NA APRILI 18

Nkunga 17 mpi Kisambu

□ Kulonguka ya Biblia ya Dibundu:

cf kapu 11 §1-7 (Min. 25)

□ Nzo-Nkanda ya Kisalu ya Teokrasi:

Lutangu ya Biblia: Yobi 28-32 (Min. 10)

No. 1: Yobi 30:1-23 (Min. 4 to na nsi ya minuta 4)

No. 2: Kana Muntu Kutuba nde: “Beno Kekwikilaka Ve na Yezu”​—rs-F lut. 212 §3-5 (Min. 5)

No. 3: Sambu na Nki Beto Fwete Yindula na Ntwala ya Kutuba​—Bing. 16:23 (Min. 5)

□ Lukutakanu ya Kisalu:

Nkunga 54

Min. 5: Baluzayisu.

Min. 10: Ntangu Bantu Melomba Nge na Kutendula. Diskure ya mekatuka na mukanda Nzo-Nkanda ya Kisalu, lutiti 177, paragrafe 3, tii na nsuka ya lutiti 178. Sadisa nsonga mosi ya nkufi yina kemonisa nduku mosi ya kisalu ya kele ve Mbangi keyula nsamuni mosi ngyufula na yina metala balukwikilu na beto. Nsamuni kekuditubila sambu na bangindu ya kuswaswana ya kekwisila yandi na mabanza mpi na nima yandi kepesa mvutu.

Min. 10: Bamvutu na Bangyufula na Beno. Disolo ti bawi yina nkuluntu mosi tasala.

Min. 10: Metode ya Kusamuna Nsangu ya Mbote​—Nzo na Nzo. Disolo ti bawi ya mekatuka na mukanda Beto Mevukana, lutiti 92, paragrafe 3, tii na lutiti 95, paragrafe 1. Yula bangyufula na nsamuni mosi to na bansamuni zole ya kesamunaka nzo na nzo ata bo kele ti mambu yina kekangaka bo nzila, mu mbandu kifu mosi na nitu to nsoni. Bikesa na bo menatilaka bo inki balusakumunu?

Nkunga 26 mpi Kisambu

Bamvutu na Bangyufula na Beno

◼ Bantangu ikwa beto fwete longuka ti longoki ya Biblia ya keyela?

Yo kele mbote na kulanda kulonguka ti longoki ya Biblia ya keyela tii kuna yandi tamanisa kulonguka mikanda yai zole: Inki Biblia Kelongaka Mpenza? ti “Beno Zinga Kaka na Zola ya Nzambi.” Yo fwete vanda mutindu yina ata longoki mebaka dezia mbotika na ntwala ya kumanisa mikanda yai. Na nima ya mbotika na yandi, beto lenda landa na kutanga bangunga, mvutukila ya mpa, mpi kulonguka. Kana nsamuni mosi mebasika kumosi ti beto mpi kepesa bakomantere, yandi lenda tanga mpi bangunga.​—Tala Kisalu na Beto ya Kimfumu ya Marsi 2009, lutiti 2.

Yo kele mfunu nde bantu ya mpa kubaka fondasio ya mbote na kyeleka na ntwala ya kuyambula bo, bo mosi. Bo kele na mfunu ya kutula “misisa” na Kristu mpi kukuma na ‘lukwikilu ya ngolo’ sambu na kununga bampasi yina bo kekutana na yo. (Kol. 2:6, 7; 2 Tim. 3:12; 1 Pie. 5:8, 9) Dyaka, sambu na kulonga bantu yankaka mbote-mbote, bo fwete vanda ti “nzayilu ya sikisiki ya kyeleka.” (1 Tim. 2:4, NW) Kumanisa mikanda yonso zole ti balongoki, kele mutindu ya kusadisa bo na kukuma ti fondasio ya ngolo na “nzila yina kenataka bantu na moyo.”​—Mat. 7:14.

Na ntwala ya kundima nde muntu mosi kubaka mbotika, bankuluntu fwete zikisa nde yandi kebakisa mbote-mbote malongi ya luyantiku ya Biblia mpi kezinga na kuwakana ti yo. Bankuluntu fwete keba, mingi-mingi ntangu bo ketadila longoki yina memanisa ntete ve mukanda ya ntete ya kulonguka. Kana muntu mosi mefwana ntete ve na kubaka mbotika, bankuluntu tazikisa nde yandi kebaka lusadisu ya mefwana na mpila nde, na bilumbu kekwisa, yandi lungisa mambu ya bo kelombaka sambu na kubaka mbotika.​—Tala Beto Mevukana Sambu na Kusala Luzolo ya Yehowa balutiti 217-218.