Yobi Bikalaka ya Kwikama na Ntangu ya Bampasi

Ntangu bantu ya Izraele vandaka na kimpika na Ezipte, Yobi vandaka kuzinga na Usi. Ata Yobi vandaka ve muntu ya Izraele, yandi vandaka nsadi ya kwikama ya Yehowa. Yandi vandaka ti dibuta ya nene, bimvwama mingi, mpi yandi vandaka muntu ya nene. Yandi vandaka ndongisi yina bantu vandaka kuzitisa mingi, mpi yandi vandaka kusambisa bantu kukonda kupona-pona. Yandi vandaka ti kikalulu ya kukabila bansukami. Yobi vandaka muntu ya kwikama.

Yobi monisaka pwelele nde Yehowa vandaka Muntu ya kuluta mfunu na luzingu na yandi

1:8-11, 22; 2:2-5

• Satana monaka kwikama ya Yobi. Yandi buyaka ve nde Yobi vandaka kulemfukila Yehowa; kansi, yandi tulaka ntembe na bikuma yina pusaka Yobi na kuvanda ya kwikama

• Satana tubaka nde Yobi vandaka kusadila Yehowa sambu Yehowa vandaka kusakumuna yandi

• Sambu na kupesa mvutu na ntembe ya Satana, Yehowa tindaka Satana na kumeka muntu yina ya kwikama. Satana bebisaka bima ya Yobi yonso

• Ntangu Yobi taninaka kwikama na yandi, Satana tulaka ntembe na kwikama ya bantu yonso

• Yobi salaka disumu ve, yandi fundaka mpi ve Nzambi ata sambu na kima mosi ya mbi