Mukanda ya Nzambi Kele Kimvwama

1. Kele ti buku mosi ya kitoko,

Ke pesaa ngemba, kiese, kivuvu.

Bangindu na yo ke na ngolo mingi,

Yo ke pesaka “bafwa” luzingu.

Mukanda yango ke Ndinga ya Nzambi.

Bantu sonikaka yo vandaka

Bantu ya va zola Yehowa mingi,

Mpeve vandaka kutwadisa bo.

2. Bo tubilaka lugangu ya Nzambi,

Mutindu yandi salaka bima.

Mpila muntu va ntete ya kukuka,

Mpi mpila Paladisu vilaka.

Bo tubilaka diaka wanzio mosi

Yina tulaka ntembe ti Nzambi.

Yo me nataka mpasi mpi disumu,

Kansi ntama ve Nzambi ta nunga.

3. Yayi ntangu ya kuvanda na kiese:

Nzambi ke yala na nzila’a Yezu.

Bubu beto ke longa nsangu’a mbote

Nde Kimfumu ta nata mambote.

Nsangu yayi ke na mukanda’a Nzambi,

Yo kele bonso bima ya kudia.

Yo ke pesaka ngemba ya kieleka;

Yo me luta mikanda ya nkaka.