DILONGI 11

Tuba ti Kikesa

Baroma 12:11

NA BUNKUFI: Tuba ti kikesa sambu na kusiamisa bawi mpi kupesa bo mpusa ya kulanda nge.

Kudikotisa na disolo. Ntangu nge ke yidika disolo, yindula mingi mambu ya mfunu yina nge ta tuba. Zaba mbote disolo na nge sambu nge sala yo mbote.
Yindula bawi na nge. Yindula mambote yina bantu ta baka kana nge tanga to nge longa mbote. Yindula mutindu nge lenda sala disolo yango sambu yo sepedisa bawi.
Sala disolo ya tiya-tiya. Tuba ti kikesa. Sala bidimbu mutindu nge ke tubaka mpi bidimbu ya luse sambu na kubasisa mawi na nge.

Keba sambu nge katula ve dikebi ya bawi ntangu nge ke vutukila bidimbu ya mutindu mosi. Sala bidimbu na mutindu ya mbote. Tuba ti kikesa mingi-mingi ntangu nge ke longa mambu ya mfunu mpi siamisa bawi na kusadila yo. Kansi, kana kikesa me luta ndilu, yo lenda katula dikebi ya bawi.