Inki mutindu nge lenda kwenda pene-pene na Nzambi?

“O nge Muntu ya ke waka kisambu, bantu ya mitindu yonso ta kwisa na nge.”

Nkunga 65:2

“Tula ntima na nge ya mvimba na Yehowa, mpi kutula ve ntima na mayele na nge mosi ya kubakisa mambu. Na banzila na nge yonso, yindula yandi, ebuna yandi ta katula basakuba na banzila na nge.”

Bingana 3:5, 6

“Luzingu ya mvula na mvula ke tendula nde, bo zaba nge, Nzambi mosi kaka ya kieleka, mpi muntu yina nge tindaka, Yezu Kristu.”

Yoane 17:3

“Ya kieleka, [Nzambi] kele ntama ve ti konso muntu na kati na beto.”

Bisalu 17:27

“Mpi mono ke landa kusamba nde, zola na beno kulanda kukuma kaka mingi ti nzayilu ya sikisiki mpi luswasukusu mingi kibeni.”

Bafilipi 1:9

“Kana muntu mosi na kati na beno me konda mayele, bika yandi landa kulomba na Nzambi, sambu yandi ke kabaka mingi na bantu yonso mpi kukonda kunganina, mpi Nzambi ta pesa yandi yo.”

Yakobo 1:5

“Beno kwenda pene-pene na Nzambi, ebuna yandi ta kwisa pene-pene na beno. Beno bansumuki, beno yobisa maboko na beno, mpi beno bantu ya ntima-zole, beno kumisa bantima na beno bunkete.”

Yakobo 4:8

“Zola ya Nzambi ke tendula nde beto zitisa bansiku na yandi; nkutu bansiku na yandi kele kilo ve.”

1 Yoane 5:3