Keti Mono Kele ya Kuyilama?

Ya Bo Me Niema na Papie

Keti Mono Kele ya Kuyilama Sambu na Kulonga Nsangu ya Mbote ti Dibundu?

Sambu nge kuma nsamuni ya me bakaka ntete ve mbotika, nge fwete . . .

Vanda ti kikalulu ya kulonguka Biblia, ya kusamba mpi ya kukwenda na balukutakanu ya dibundu.
Sepela ti mambu ya nge ke longuka, kukwikila na yo mpi kusonga yo bantu ya nkaka.
Zola Yehowa mpi kuta kinduku ya ngolo kaka ti bantu ya ke zolaka yandi.
Vukana diaka ve ata fioti ti bimvuka yonso ya politiki to mabundu ya luvunu.
Lemfuka na minsiku ya Yehowa na luzingu na nge mpi kuvanda ti nzala ya kukuma Mbangi ya Yehowa.

Longoki mosi ya Biblia me telama na lweka ya mpangi-nkento yina ke longaka yandi Biblia ntangu mpangi yango ke longa nkento mosi nsangu ya mbote na nzo na yandi.

Kana nge me mona nde nge kele ya kuyilama sambu na kulonga nsangu ya mbote ti dibundu, songa mpangi ya ke longaka nge Biblia. Ebuna yandi ta zabisa bankuluntu sambu bo solula ti nge.

Keti Mono Kele ya Kuyilama na Kubaka Mbotika?

Sambu nge baka mbotika, nge fwete . . .

Kuma nsamuni ya me bakaka ntete ve mbotika.
Longa mbala na mbala nsangu ya mbote na kiteso ya ngolo na nge.
Pesa maboko mpi kulemfuka na “mpika ya kwikama mpi ya mayele.”—Matayo 24:45-47.
Kudipesa na Yehowa na kisambu mpi kukuma ti nzala ya kusadila yandi mvula na mvula.

Longoki mosi ya Biblia ke baka mbotika na lukutakanu ya nziunga ya Bambangi ya Yehowa.

Kana nge me mona nde nge kele ya kuyilama sambu na kubaka mbotika, songa mpangi ya ke longaka nge Biblia. Ebuna yandi ta zabisa bankuluntu sambu bo solula ti nge.