Makwela
Makwela yantikaka nki mutindu?
Nsadi ya Yehowa fwete kwela nani?
Sambu na nki nsadi ya Yehowa fwete ndima ve nde mwana na yandi ya nkento to ya bakala ya me bakaka mbotika kukwela muntu yina me bakaka ntete ve mbotika?
Bambandu ya Biblia yina ke sadisa beto:
Kuy 24:1-4, 7—Ntangu Abrahami kumaka mbuta, yandi salaka yonso sambu na kusosila mwana na yandi Izaki nkento yina vandaka kusambila Yehowa, kansi ve mwana-nkento ya Kanana yina vandaka kusambila banzambi ya nkaka
Kuy 28:1-4—Izaki sadisaka mwana na yandi Yakobi na kukwela nkento yina vandaka kusambila Yehowa, kansi ve mwana-nkento ya Kanana
Inki mutindu Yehowa ke tadilaka bansadi na yandi yina ke kwelaka bantu yina ke sambilaka yandi ve?
Bambandu ya Biblia yina ke sadisa beto:
1Bn 11:1-6, 9-11—Yehowa wilaka ntotila Salomo makasi sambu yandi zitisaka ve mambu yina Yehowa tubaka, yandi kwelaka bankento ya banzenza mpi bo pusaka Salomo na kusambila banzambi ya nkaka
Neh 13:23-27—Guvernere Nehemia zabaka mabanza ya Yehowa na yina me tala makwela, yo yina yandi nganinaka mpi sungikaka bansadi ya Yehowa ya ntu-ngolo yina kwelaka bankento yina vandaka ve kusambila Yehowa
Sambu na nki yo kele mfunu na kukwela nsadi ya Yehowa yina ke zolaka Yehowa mingi mpi yina kele ti bikalulu ya mbote?
Tala mpi Efe 5:28-31, 33
Bambandu ya Biblia yina ke sadisa beto:
1Sa 25:2, 3, 14-17—Nabale vandaka mwvama, kansi yandi vandaka ntima-mbi mpi nku, yo yina yandi vandaka ve bakala ya mbote sambu na Abigaile
Bin 21:9—Kana beto me kwela muntu yina kele ve ti bikalulu ya mbote, beto ta zingaka ve na kiese mpi na ngemba
Bar 7:2—Ntumwa Polo tendulaka nde ntangu nkento ke kwelaka, bakala ke kumaka mfumu na yandi; yo yina, mpangi-nkento fwete pona mbote-mbote muntu yina ta vanda bakala na yandi
Kudibongisa sambu na makwela
Sambu na nki yo kele mfunu nde bakala kuyilama ntete na kuzwa bima yina dibuta ta vanda na yo mfunu na ntwala ya kukwela?
Mbandu ya Biblia yina ke sadisa beto:
Bin 24:27—Na ntwala nde bakala kukwela mpi kuyindula na kubuta, yandi fwete sala kisalu sambu dibuta na yandi kuzwa bima yina bo kele na yo mfunu
Sambu na nki bakala ti nkento yina ke talana sambu na kukwelana fwete sosa bandongisila ya mbote mpi kusala ngolo na kuzaba bikalulu ya muntu yina yandi ke zola kukwela na kisika ya kutula dikebi kaka na kitoko ya nganda?
Bambandu ya Biblia yina ke sadisa beto:
Rut 2:4-7, 10-12—Boazi zabaka Ruti mbote ntangu yandi tulaka dikebi na mutindu Ruti vandaka kusala kisalu, na mambu yina bantu vandaka kutuba sambu na Ruti, na mutindu Ruti vandaka kuzinga mbote ti Naomi mpi sambu Ruti vandaka kuzola Yehowa mingi
Rut 2:8, 9, 20—Ruti zabaka Boazi mbote ntangu yandi tadilaka ntima-mbote ya Boazi, kikalulu ya Boazi ya kukaba mpi zola ya Boazi sambu na Yehowa
Sambu na nki Yehowa ke zolaka nde bantu yina ke zola kukwelana kubikala bunkete tii ntangu bo ta kwelana?
Bambandu ya Biblia yina ke sadisa beto:
Bin 5:18, 19—Mitindu ya nkaka ya kumonisilana zola kele kaka sambu na bantu ya me kwelaka
Sal 1:2; 2:6—Ntangu ngungudi mpi mwana-nkento ya Shulami vandaka kutalana sambu na makwela, bo vandaka ti mambu ya nkaka yina bo vandaka kusala sambu na kumonisa zola na bo kansi na mutindu ya bunkete, kukonda mpusa ya ngolo ya kuvukisa nitu
Sal 4:12; 8:8-10—Mwana-nkento ya Shulami vukisaka ve nitu ata ti bakala mosi, yandi vandaka kudiyala mpi nitu na yandi vandaka bonso kilanga ya bo me kanga ti lupangu
Sambu na nki bantu yina ke zola kukwelana fwete kwelana mutindu bansiku ya leta ke lomba?
Mukumba ya bakala
Inki mikumba ya nene babakala kele na yo?
Bakala fwete landa mbandu ya nani ntangu yandi ke sadila kiyeka na yandi na dibuta?
Sambu na nki yo kele mfunu nde bakala kuzola mpi kuzinga mbote ti nkento na yandi?
Bambandu ya Biblia yina ke sadisa beto:
Kuy 21:8-12—Yehowa songaka Abrahami na kuwila nkento na yandi Sara, ata ngindu ya Sara sepedisaka ve Abrahami
Bin 31:10, 11, 16, 28—Bakala ya mayele ya baverse yai ke tubila, vandaka ve kulandila-landila nkento na yandi to kusosa-sosa bifu ya nkento; kansi yandi vandaka kutudila nkento na yandi ntima mpi kusikisa yandi
Efe 5:33—Bangogo yai ya ntumwa Polo sonikaka na ngolo ya mpeve ya Nzambi ke monisa nde nkento ke vandaka ti mpusa ya ngolo nde bakala na yandi kuzola yandi mingi
Mukumba ya nkento
Inki mukumba ya mfunu Yehowa me pesaka nkento?
Keti mukumba ya nkento kele ya kukonda mfunu?
Bambandu ya Biblia yina ke sadisa beto:
Bin 1:8; 1Bk 7:4—Na makwela mpi na dibuta, bamama ke vandaka ti mwa kiyeka yina Yehowa me pesaka bo
1Bk 11:3—Ntumwa Polo tendulaka nde Yehowa me yidikaka nde, konso muntu kuvanda ti mfumu na yandi, katula kaka Nzambi sambu yandi kele Nkwa-Ngolo Yonso
Ebr 13:7, 17—Na dibundu, babakala mpi bankento fwete lemfukila bampangi yina ke twadisaka
Inki mutindu mpangi-nkento yina bakala na yandi kele ve nsadi ya Yehowa lenda pesa Yehowa kiese?
Sambu na nki mpangi-nkento fwete zitisa bakala na yandi?
Mbandu ya Biblia yina ke sadisa beto:
Kuy 18:12; 1Pi 3:5, 6—Sara vandaka kuzitisa bakala na yandi mingi mpenza, yandi vandaka kubinga yandi “mfumu,” yo vandaka kukatuka kibeni na ntima
Biblia ke sikisaka bankento ya nki mutindu?
Bambandu ya Biblia yina ke sadisa beto:
Kuy 24:62-67—Rebeka sadisaka bakala na yandi Izaki na kubaka diaka kikesa na nima ya lufwa ya mama ya Izaki
1Sa 25:14-24, 32-38—Abigaile taninaka bakala na yandi yina vandaka zoba mpi gulusaka bantu ya nzo na yandi ntangu yandi kudikulumusaka mpi bondilaka Davidi
Est 4:6-17; 5:1-8; 7:1-6; 8:3-6—Estere, nkento ya ntotila, tulaka luzingu na yandi na kigonsa mbala zole ntangu yandi kwendaka kumona ntotila yina bingisaka yandi ve, sambu na kulomba nde ntotila kutanina bansadi ya Nzambi
Kuyidika mawvanga
Inki minsiku lenda sadisa bakala ti nkento na kuyidika mavwanga na makwela na bo?
Inki minsiku lenda sadisa bakala ti nkento na kuvanda ti mabanza ya mbote sambu na mbongo?
Luk 12:15; Fil 4:5; 1Tm 6:9, 10; Ebr 13:5
Tala mpi “Mbongo”