Kubalula Ntima
Sambu na nki bantu yonso fwete balula ntima mpi kulomba Yehowa na kulolula bo?
Tala mpi Bis 26:20
Bambandu ya Biblia yina ke sadisa beto:
Luk 18:9-14—Yezu pesaka mbandu mosi yina monisaka mfunu ya kufunguna masumu na beto mpi kusamba Yehowa na kusadisa beto
Bar 7:15-25—Ata Polo vandaka ntumwa mpi ti lukwikilu ya ngolo, yandi vandaka kudiyangisa mingi sambu yandi vandaka kaka kunwana ti bampusa ya kusala mambi
Biblia ke tuba nde Yehowa ke tadilaka bantu yina ke balulaka ntima nki mutindu?
Bambandu ya Biblia yina ke sadisa beto:
Luk 15:1-10—Yezu pesaka mbandu mosi sambu na kumonisa nde Yehowa mpi bawanzio ke sepeleka mingi kana muntu ya me sala disumu me balula ntima
Luk 19:1-10—Zasheo, mfumu ya bantu yina vandaka kufutisa mpaku, vandaka kubotula bima ya bantu kansi yandi balulaka ntima mpi yambulaka kifu yina, yo yina Yezu lolulaka yandi
Inki ta monisa nde beto me balula ntima na masonga yonso?
Eze 18:21-23; Bis 3:19; Efe 4:17, 22-24; Kol 3:5-10
Tala mpi 1Pi 4:1-3
Inki mutindu kubakisa malongi ya Biblia mbote ke sadisaka muntu yina me balula ntima na masonga yonso?
Bar 12:2; Kol 3:9, 10; 2Tm 2:25
Bambandu ya Biblia yina ke sadisa beto:
Bis 17:29-31—Ntumwa Polo tendudilaka bantu ya Atene nde kukonda kuzaba ke salaka nde bantu kusambila biteki mpi yandi lombaka bo na kubalula ntima
1Tm 1:12-15—Na ntwala nde ntumwa Polo kuzaba Yezu Kristu mbote, yandi vandaka kusala mambu mingi ya mbi kukonda kuzaba
Inki kele mfunu ya kubalula ntima?
Inki ke ndimisa beto nde kana beto me balula ntima, Yehowa ta lolula beto ata beto me salaka disumu yango mbala mingi?
Inki mutindu Yehowa ke tadilaka bantu yina me funguna masumu na bo mpi me yambula yo?
Tala mpi “Mawa ya Nene”
Inki ke sadisa beto na kuzaba nde kubalula ntima ke tendula kaka ve kutuba nde beto ke wa mawa to mpasi mingi na mambi yina beto salaka?
2Bs 7:14; Bin 28:13; Eze 18:30, 31; 33:14-16; Mat 3:8; Bis 3:19; 26:20
Bambandu ya Biblia yina ke sadisa beto:
2Bs 33:1-6, 10-16—Ata ntotila Manase salaka mambu mingi ya mbi bantangu mingi, yandi kudikulumusaka mpi balulaka ntima na masonga yonso, yandi landaka kusamba mpi yambulaka kusala mambi yango
Nk 32:1-6; 51:1-4, 17—Ntotila Davidi balulaka ntima, yandi waka mpasi mingi sambu na masumu yina yandi salaka, yandi fungunaka yo mpi sambaka
Kana muntu yina me sala beto mbi me balula ntima, sambu na nki beto fwete lolula yandi?
Mat 6:14, 15; 18:21, 22; Luk 17:3, 4
Tala mpi “Kulolula”