Nzambi Ke na Wapi? — Watchtower MIKANDA YA KE NA INTERNET

Nzambi Ke na Wapi?

Na Septembri 11, 2001: Na 8H46 na menemene, avio mosi ya mumbongo kututaka nzo ya etaze ya nordi ya World Trade Center na Mbanza New York—yo vandaka luyantiku ya mubulu ya bateroriste yina bo yidikaka mbote. Na minuta 102 yina kulandaka, bantu kiteso ya 3 000 kufwaka.

Desembri 26, 2004

Kunikana ya ngolo ya ntoto (magnitude 9) yina kusalamaka na Nzadi-Mungwa ya Inde kubasisaka bitembo ya kefwaka bantu yina kusimbaka bansi 11, yika mpi Afrika—na kitamina ya bakilometre 5 000. Na kilumbu mosi, bantu 150 000 kufwaka to kuvilaka, mpi bantu kuluta milio mosi kukondaka banzo.

Na Augusti 1, 2009: Bakala mosi ya bamvula 42 ti mwana na yandi ya bamvula 5 vandaka kusala nsaka ya ski na tukutuku yina ketambulaka na masa mpi bo kwendaka kubwa na dibungu mosi ya bo mesalaka na mabaya. Tata kufwaka. Mwana kubikalaka na luzingu kansi yandi fwaka na kilumbu yina kulandaka. Mpangi na bo mosi ya vandaka na mawa kutubaka nde: “Beto vandaka kutula kivuvu nde yandi taguluka mpi nde kimangu tasalama.”

Ntangu nge ketanga mambu ya metala mambi ya bateroriste mesala to bisumbula ya lugangu to ntangu nge kekutanaka ti dyambu mosi ya mpasi, keti nge kekudiyulaka kana Nzambi kemonaka mambu yina ke na kusalama? Keti nge kekudiyulaka kana yandi meyambulaka beto? Biblia kepesa mvutu ya kepesa kikesa, mutindu beto tamona yo.

[Bangogo ya kemonisa kisina ya foto ya kele na lutiti 3]

PRAKASH SINGH/AFP/Getty Images