Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Desembri 27, 2010. Nkengi na nzo-nkanda tatwadisa mvutukila ya minuta 20 ya mesimbama na malongi ya badevware yina kusalamaka na bamposo yina kebanda na Novembri 1 tii na Desembri 27, 2010.

1. Inki beto lenda longuka na yina metala bangogo ya kukumisa ya miyimbi-bankunga ya Balevi yina kele na 1 Bansangu 16:34? [w02 2/1 lut. 9 bapar. 6-7]

2. Keti 1 Bansangu 22:8 kemonisa nde bamvita yina Davidi vandaka kunwana kuvandaka ya mbi, ata Yehowa kuzolaka nde yandi tungila Yandi nzo? Tendula. [it-2-F lut. 869 par. 1]

3. Inki mutindu Ntotila Davidi kuzolaka nde Salomo mwana na yandi kudiwa sambu na Nzambi? (1 Bans. 28:9) [w08 10/1 lut. 11 par. 18]

4. Sambu na nki bo sadilaka kifwanisu ya bangombe ya babakala na ntangu bo tungaka nsi ya dilonga ya nene-nene ya bronze? (2 Bans. 4:2-4) [w05 1/1 lut. 15 par. 3; w98 7/1 lut. 6 par. 17]

5. Keti sanduku ya kuwakana kuvandaka kaka ti bamesa zole ya matadi, to yo vandaka ti bima yankaka na kati na yo? (2 Bans. 5:10) [w06 2/1 lut. 27]

6. Salomo zolaka kutuba nki ntangu yandi lombaka Yehowa na kuwa kudila ya konso muntu yina zolaka ‘kukwisa kusamba na nzo yai’? (2 Bans. 6:21, 32, 33) [it-1-F lut. 36 par. 1]

7. Bangogo “kuwakana ya mungwa” yina kele na 2 Bansangu 13:5 (NW) ketendula inki? [w05-F 12/1 lut. 20 par. 2; it-2-F lut. 921 par. 4]

8. Inki mutindu beto lenda sadila munsiku ya 2 Bansangu 17:9, 10 na kisalu na beto ya kusamuna? [w09 6/1 lut. 17 par. 7]

9. Inki mutindu bantu ya Nzambi kesalaka mambu bubu yai na kuwakana ti 2 Bansangu 20:17? [w03 6/1 balut. 31-32 bapar. 14-17]

10. Inki dilongi beto lenda baka na disolo ya ketubila lulendo ya Ntotila Oziasi? (2 Bans. 26:15-21) [w99 12/1 lut. 26 bapar. 1-2]