Inki Mutindu Mambu Ke Salamaka na Mabundu na Beno?

Kimvuka ya bankuluntu ke twadisaka konso dibundu. Mabundu kiteso ya 20 ke salaka nziunga mosi mpi banziunga kiteso ya 10 ke salaka distrike mosi. Bankengi-ntambudi yina beto ke bingaka bankengi ya nziunga mpi ya distrike ke kwendaka kutala mabundu mbala na mbala.

Nto-Kimvuka yina me salama na Bambangi ya me salaka bamvula mingi ke pesaka lutwadisu mpi bantuma ya me katuka na Biblia. Nto-Kimvuka yango ke salaka kisalu na babiro ya nene ya Bambangi ya Yehowa na Brooklyn, na New York.—Bisalu 15:23-29; 1 Timoteo 3:1-7.