Watchtower ONLINE LIBRARY
Watchtower
ONLINE LIBRARY
Khasi
ï
  • Ï
  • ï
  • Ñ
  • ñ
  • BAIBL
  • KI KOT
  • MEETINGS
  • lff lynnong 35
  • Kumno ban Shim ki Rai kiba Biang

Ym don video ïa kaba phi jied

Wat sngew eiei, don jingthut ha kaban pyni ïa ka video

  • Kumno ban Shim ki Rai kiba Biang
  • Ka Jingim Kaba Kmen Shi Junom!—Ka Jingïasyllok na ka Baibl
  • Phang Rit
  • Ki Jingthoh Ba Ïasyriem
  • WAD SHUH SHUH
  • KI MAT BAKONGSAN
  • PULE SHUH SHUH
  • Shim ïa ki Rai kiba Pynsngewbha ïa U Jehobah
    Ka Kutphira Kaba Pynbna Ïa Ka Hima U Jehobah (Study)—2025
Ka Jingim Kaba Kmen Shi Junom!—Ka Jingïasyllok na ka Baibl
lff lynnong 35
Lynnong 35. U lok u dang wad bniah shaphang ki kali na kawei ka website, katba ka lok bad ki khun ki ïa peit lang.

LYNNONG 35

Kumno ban Shim ïa ki Rai kiba Biang

Printed Edition
Printed Edition
Printed Edition

Baroh ngi dei ban shim ïa ki rai. Bun na kine ki rai ki lah ban ktah ïa ngi bad ruh ïa ka jingïadei jong ngi bad U Jehobah. Kum ka nuksa, ngi hap ban rai haei ngin sah, ka kam aïu ngin trei, ne la ngin shongkurim ne em. Haba ngi shim ïa ki rai kiba biang, ngi lah ban ïoh ïa ka jingim kaba kmen bad ngi pynsngewbha ïa U Jehobah.

1. Kumno ka Baibl ka lah ban ïarap ïa phi ban shim ïa ki rai kiba biang?

Shuwa ban shim ïa kano kano ka rai, duwai bad pan jingïarap na U Jehobah, bad peit bniah ruh na ka Baibl kumno U Jehobah u sngew shaphang kata. (Pule Proberb 2:3-6.) Don ki bynta ha kaba U Jehobah u ai ki hukum kiba shai kumno ban leh, bad lada phi jied ban kohnguh ïa kata ka hukum, kata ka long ka rai kaba biang bha.

Hynrei, kumno pat lada ym don kano kano ka hukum kaba batai shai ïa kaei kaba phi dei ban leh? U Jehobah un ïarap hi ïa phi “ha ka lynti ba ka dei ïa phi ban leit.” (Isaïah 48:17) Kumno? Lyngba ki nongrim jong ka Baibl. Ki nongrim jong ka Baibl ki pynpaw ïa ka jingsngew bad ka jingmut jingpyrkhat jong U Jehobah. Bunsien haba ngi pule ïa ki jingïathuhkhana ha ka Baibl, ngi tip kumno U Blei u sngew. Haba ngi sngewthuh kumno U Jehobah u sngew ngi lah ban shim ïa ki rai kiba pynsngewbha ïa u.

2. Kiei kiba phi dei ban pyrkhat shuwa ba phin shim ïa kino kino ki rai?

Ka Baibl ka ong: “U briew uba sian u khmih bha ïa la ka jingjam.” (Proberb 14:15) Kane ka mut ba ngi donkam ban pyrkhat bha shuwa ban shim ïa kano kano ka rai. Shuwa ban shim ïa kano kano ka rai, ngi dei ban kylli ïalade: ‘Ka Baibl ka ong aïu shaphang kane? Kano ka rai kaban ai jingkmen ïa nga? Kumno kiwei kin sngew shaphang ka rai jong nga? Kaba kham kongsan ka long, hato kane kan pynkmen ïa U Jehobah?’—Deuteronomi 32:29.

U Jehobah u don ka hok ban batai ïa ngi ïa kaei kaba bha bad kaei kaba sniew. Haba ngi tip ïa ki aiñ bad ïa ki nongrim jong ka Baibl bad ngi bud ïa ki, ngi pynkhlaiñ ïa ka jingïatiplem babha jong ngi. Ka jingïatiplem ka dei ka jingsngew kaba shapoh jong u briew kaba batai ïa kaei kaba dei bad kabym dei. (Rom 2:14, 15) Ka jingïatiplem ba la ïoh jinghikai na ka Baibl kan ïarap ïa ngi ban shim ki rai kiba dei.

WAD SHUH SHUH

Peit bniah ba kumno ki nongrim jong ka Baibl bad ka jingïatiplem ki long kiba kongsan haba ngi shim ïa kino kino ki rai.

3. To ai ba ka Baibl kan btin lynti ïa phi

Kumno ka Baibl ka lah ban ïarap ïa ngi haba ngi shim ïa ki rai? Peit ïa ka VIDEO, bad nangta sa ïa peit lang ïa kine ki jingkylli harum:

VIDEO: To ai ba ki Nongrim jong ka Baibl kin Btin Lynti ïa Phi (5:54) (Phareng)

  • Ka mon ba laitluid ka dei kaei?

  • Balei U Jehobah u la ai ïa ngi ka mon ba laitluid?

  • Kaei kaba U Jehobah u la ai ïa ngi ban pyndonkam bha ïa ka mon ba laitluid?

Ban peit ïa ka nuksa ha kaba ïadei bad ka nongrim jong ka Baibl, pule Ephesos 5:15, 16. Nangta sa ïa pyrkhat lang kumno phi lah ban pyndonkam bha ïa la ka por ban . . .

  • pule tista ïa ka Baibl.

  • long u lok ne ka lok, ki kmie ki kpa, ne ki khun kiba kham bha.

  • wan sha ki jingïalang.

4. Ka jingïatiplem ba la ïoh jinghikai na ka Baibl kan ïarap ïa ngi ban shim ïa ki rai kiba biang

Haba don ka hukum kaba shai ha ka Baibl, ka suk ban shim ïa ki rai kiba biang. Hynrei kumno pat lada ym don kum kita ki hukum? Peit ïa ka VIDEO, bad nangta sa ïa peit lang ïa kane ka jingkylli harum:

VIDEO: “Ïai Pynkhlaiñ ïa la ka Jingïatiplem Babha” (5:13) (Phareng)

  • Ha ka video, kiei ki sienjam kiba ine i parabangeit i la shim ban pynmlien ïa la ka jingïatiplem bad ban shim ïa ka rai ban pynsngewbha ïa U Jehobah?

Balei ngim dei ban ong ïa kiwei ban rai na ka bynta jong ngi? Pule Hebru 5:14, bad nangta sa ïa peit lang ïa kine ki jingkylli harum:

  • Watla ka kham suk ban kylli na kiwei ïa ki rai kiba ngi dei ban shim, balei ngi dei ban rai hi da lade?

  • Kiei ki lad jingïarap kiba ngi don kiba lah ban ïarap ïa phi ban tei ïa la ka jingïatiplem bad ban shim ïa ki rai kiba biang?

U briew u ñiah kali. Ka GPS kaba don ha phone ka ïarap ïa u nongñiah ban don ha ka lynti kaba dei.

Kum ka map, ka jingïatiplem jong ngi ka ïarap ïa ngi ban shim ïa ki rai kiba bha ha ka jingim.

5. Burom ïa ka jingïatiplem jong kiwei

Ym baroh ki briew ki shim ïa kajuh ka rai. Kumno ngi lah ban pyni ba ngi burom ïa ka jingïatiplem jong kiwei? Peit ïa kine ki ar tylli ki nuksa:

Nuksa 1: Iwei i parabangeit kynthei iba ju sngewtynnad ban tah makeup, i la leit ban shakri sha kawei pat ka balang ha kaba ki parabangeit kynthei ha kata ka balang ki sngew ba ka long kaba bakla ban tah makeup.

Pule Rom 15:1 bad 1 Korinth 10:23, 24, bad nangta sa ïa peit lang ïa kine ki jingkylli harum:

  • Katkum kine ki dkhot, kaei kaba ine i parabangeit kynthei i lah ban rai? Phin leh kumno lada phi don bad i parabangeit iba ka jingïatiplem jong i kam shah ïa i ban leh ïa kaei kaba ka jingïatiplem jong phi ka shah?

Nuksa 2: Iwei i parabangeit shynrang i tip ba ka Baibl kam khang ban dih khyndiat ka kyiad, hynrei i jied ban ym dih khyndiat ruh. La khot sngewbha ïa i sha ka ïing jong iwei i parabangeit ha kaba i ïohi ïa kiwei ba ki ïa dih kyiad.

Pule Ekklesiastis 7:16 bad Rom 14:1, 10, bad nangta sa ïa peit lang ïa kine ki jingkylli harum:

  • Katkum kine ki dkhot, kaei kaba ine i parabangeit shynrang i lah ban rai? Phin leh kumno lada phi ïohi ïa kiwei ba ki leh ïa kaei kaba ka jingïatiplem jong phi kam shah?

Kiei ki sienjam kiba lam sha ki rai kiba biang?

Ka kynthei ka duwai.

1. Pan jingïarap na U Jehobah ba phin lah ban shim ïa ki rai kiba biang.—Jakob 1:5.

Kajuh ka kynthei ka wad bniah da kaba pyndonkam ïa ka Baibl, ki kot ba la pynshong nongrim ha ka Baibl, bad ïa ka kompiwtor.

2. Wad bniah na ka Baibl bad na ki kot ba la pynshong nongrim ha ka Baibl ban lap ïa ki nongrim jong ka Baibl ha kaba ïadei bad kaei kaba phi donkam. Phi lah ruh ban ïa kren bad kiwei ki parabangeit kiba la san ha ka jinglong mynsiem.

Kajuh ka briew ka dang pyrkhat.

3. Pyrkhat kumno ka rai jong phi kan ktah ïa ka jingïatiplem jong phi bad ïa ka jong kiwei.

DON KIBA ONG: “Phi don ka hok ban leh ïa kaei kaba phi kwah. Balei phin pyrkhat ïa kiwei?”

  • Balei ngi dei ban pyrkhat ïa ka jingsngew jong U Blei bad ïa ka jong kiwei?

KI MAT BAKONGSAN

Ngi shim ki rai kiba biang haba ngi wad kumno U Jehobah u sngew, bad haba ngi pyrkhat la ki rai jong ngi kin ktah ne em ïa kiwei.

Peit Biang

  • Kumno phi lah ban shim ki rai kiba pynsngewbha ïa U Jehobah?

  • Kumno phi lah ban pynkhlaiñ ïa la ka jingïatiplem?

  • Kumno phi lah ban pyni ba phi burom ïa ka jingïatiplem jong kiwei?

Ka Thong

PULE SHUH SHUH

Kumno phi lah ban shim ïa ki rai kiba pynkhlaiñ ïa ka jingïadei jong phi bad U Blei?

“Shim ki Rai kiba Wanrah Burom ïa U Blei” (Ka Kutphira, Ïaïong 15, 2011, Phareng)

Peit shuh shuh kumno U Jehobah u pyni lynti ïa ngi.

U Jehobah u Ïalam ïa ki Briew Jong u (Phareng) (9:50)

Peit kaei kaba la ïarap ïa uwei u briew ban shim ïa ka rai kaba eh.

U Jehobah u Pynthikna ïa Kiei Kiei kiba Bha (Phareng) (5:46)

Pule shuh shuh shaphang kumno ban pynsngewbha ïa U Jehobah wat haba u khlem ai kano kano ka jingbthah kaba shai.

“Hato Phi Donkam ïa ka Hukum jong ka Baibl Barobor?” (Ka Kutphira, Nohprah 1, 2003, Phareng)

    Ki Kot Khasi (1994-2025)
    Log Out
    Log In
    • Khasi
    • Share
    • Ki Jingkwah
    • Copyright © 2025 Watch Tower Bible and Tract Society of Pennsylvania
    • Ki Kyndon Treikam
    • Ka Buit Treikam Shimet
    • Privacy Settings
    • JW.ORG
    • Log In
    Share