LYNNONG 60
Ïai Kiew ha ka Jinglong Mynsiem
Ha kane ka jingïapule Baibl, phi la ïoh tip shibun kiei kiei shaphang U Jehobah. Kane ka la pynlong ïa phi ban ieid ïa u haduh katta katta haduh ba phi la kwah ban aiti ïalade ha u bad ban ïoh baptis. Ne lehse phi pyrkhat ba shen phin sa leh kata. Hynrei ka jingkiew jong phi ha ka jinglong mynsiem kan ym pat kut wat hadien ka jingbaptis ruh. Phi lah ban nang ïai jan sha U Jehobah junom. Kumno?
1. Balei phi dei ban ïai pynkhlaiñ ïa ka jingïadei paralok jong phi bad U Jehobah?
Ngi dei ban trei shitom ban ïai pynkhlaiñ ïa ka jingïadei paralok jong ngi bad U Jehobah. Balei? Khnang ban ym “phai dien noh na U Blei.” (Hebru 3:12) Kaei kaba lah ban ïarap ïa ngi ban ïai shakri hok ïa U Jehobah? Da kaba ngi pynbunkam ïalade ha ka kam ïalap, bad da kaba wad ïa kiwei de ki lad kiba ngi lah ban shakri shuh shuh ïa u. (Pule Philippi 3:16.) Ka jingshakri ïa U Jehobah ka long ka jingim kaba biang tam!—Salm 84:10.
2. Kaei de kaba phi dei ban ïai leh?
Watla kane ka jingïapule Baibl ka la kut mynta, hynrei ka jingim jong phi kum u Khristan ka dang ïai bteng. Ka Baibl ka ong ba ngi donkam ban “pynthymmai” ïalade. (Ephesos 4:23, 24) Katba phi nang bteng ban pule ïa ka Baibl bad wan sha ki jingïalang, katta phin sa nang kham tip shibun kiei kiei kiba thymmai shaphang U Jehobah bad ki jinglong jong u. Peit kumno phi lah ban pyrthuhbud ïa ki jinglong jong u ha ka jingim jong phi. Ïai bteng ban pynbeit ïa kino kino ki jingduna khnang ban pynsngewbha ïa U Jehobah.
3. Kumno U Jehobah un ïarap ïa phi ban ïai kiew shaphrang?
Ka Baibl ka ong: “U Blei . . . ma u hi keiñ, un da pynjanai ïa phi, un da pynskhem, un da pynshaitbor.” (1 Petros 5:10) Baroh ngi shah pynshoi ban leh ïa kaba sniew. Hynrei U Jehobah u la ai ha ngi ïa kaei kaba ngi donkam ban kyntait ïa ki. (Salm 139:23, 24) U la kular ban ai ïa phi ka mon bad ka bor ban shakri hok ïa u.—Pule Philippi 2:13.
WAD SHUH SHUH
Peit kumno phi lah ban ïai kiew shaphrang bad kumno U Jehobah un kyrkhu ïa phi.
4. Ïai kren bad sngap ïa U Paralok bajan tam jong phi
Ka jingduwai bad ka jingïapule Baibl ka la ïarap ïa phi ban long u paralok jong U Jehobah. Kumno kine ki la ïarap ïa phi ban jan sha u?
Pule Salm 62:8, bad nangta sa ïa peit lang ïa kane ka jingkylli harum:
Ban pynkhlaiñ ïa ka jingïadei paralok jong phi bad U Jehobah, kumno phi lah ban kham pynbha ïa ka rukom duwai jong phi?
Pule Salm 1:2 bad nangta sa ïa peit lang ïa kane ka jingkylli harum:
Ban pynkhlaiñ ïa ka jingïadei paralok jong phi bad U Jehobah, kumno phi lah ban kham pynbha ïa ka jingpule Baibl jong phi?
Kaei kaba phi lah ban leh ban kham myntoi na ka jingpule marwei ïa ka Baibl? Ban tip, peit ïa ka VIDEO, bad nangta sa ïa peit lang ïa kine ki jingkylli harum:
Kano na kine ki jingai jingmut ha ka video phi lah ban pyndonkam?
Kiei ki phang kiba phi kwah ban pule bniah?
5. Buh ïa ki thong bakynja mynsiem
Ka jingdon ïa ki thong ha ka jingshakri ïa U Jehobah kan ïarap ïa phi ban nangkiew. Peit ïa ka VIDEO, bad nangta sa ïa peit lang ïa kane ka jingkylli harum:
Ha kane ka video, kumno i Cameron i la myntoi na kaba buh ïa ki thong ba kynja mynsiem?
Ym baroh ki lah ban leit sha kawei pat ka jaka ban ïalap. Hynrei, ngi lah ban buh ïa ki thong kiba ngi lah ban leh. Pule Proberb 21:5, bad nangta sa pyrkhat ki thong aïu kiba phi lah ban buh . . .
ha ka balang.
ha ka kam ïalap.
Kumno ka nongrim jong kane ka dkhot Baibl ka lah ban ïarap ïa phi ban poi sha ki thong jong phi?
Ki thong kiba phi lah ban buh
Kham pynbha ïa ka rukom duwai jong phi.
Pule ïa ka Baibl baroh kawei.
Pyrshang ban ithuh lut ïa baroh ha ka balang jong phi.
Sdang bad pynpule Baibl ïa kiwei.
Shakri kum pioneer bakyrshan ne pioneer batista.
Lada phi dei i parabangeit shynrang, pyrshang ban long i nongïarap balang.
6. Ka Jingim kaba kmen shi junom!
Pule Salm 22:26, bad nangta sa ïa peit lang ïa kane ka jingkylli harum:
Kaei kaba phi lah ban leh ban ïoh ïa ka jingim kaba kmen mynta bad shi junom?
KI MAT BAKONGSAN
Ïai pynkhlaiñ ïa ka jingïadei jong phi bad U Jehobah bad buh ki thong ba kynja mynsiem. Phin sa lah ban ïoh ïa ka jingim kaba kmen shi junom!
Peit Biang
Balei phi lah ban sngewskhem ba U Jehobah un ïarap ïa phi ban shakri hok ïa u?
Kumno phi lah ban pynkhlaiñ ïa ka jingïadei jong phi bad U Jehobah?
Kumno ki thong ba kynja mynsiem ki lah ban ïarap ïa phi ban nangkiew?
PULE SHUH SHUH
U Jehobah u kham ñiewkor ïa kaei, ban leh ïa kawei ka kam kaba kyrpang ne ban ïaineh hok ha u baroh shi jingim?
Wat u shakri ba ïaineh hok jong U Jehobah ruh u lah ban duh noh ka jingkmen. Peit kumno ban ïoh biang ïa ka.
Ka Jingpule Baibl bad ka Jingpuson ka lah ban Wanrah Biang ïa ka Jingkmen (Phareng) (5:25)
Kumno phi lah ban buh ïa ki thong ba kynja mynsiem bad poi sha ki?
Balei ka jinglong rangbah ha ka jinglong Khristan ka long kaba kongsan, bad kaei kaba lah ban ïarap ïa phi ban long kumta?