18 “Aria na Haruni na ariũ ake na Aisiraeli othe na ũmeere atĩrĩ, ‘Rĩrĩa mũndũrũme Mũisiraeli kana mũndũ wa kũngĩ ũrĩa ũikaraga Isiraeli ekũruta igongona rĩa njino+ kũrĩ Jehova nĩguo ahingie mĩĩhĩtwa yake kana nĩguo arute igongona rĩa kwĩyendera,+ 19 agĩrĩirũo kũrehe nyamũ ya njamba ĩtarĩ na kaũgũ+ kuuma rũũru-inĩ rwa ngʼombe, tũtũrũme, kana mbũri, nĩguo etĩkĩrĩke. 20 Mũtikanarute kĩndũ o gĩothe kĩrĩ na kaũgũ,+ nĩ gũkorũo gĩtingĩtũma mwĩtĩkĩrĩke.

17 “Ndũkanarutĩre Jehova Ngai waku igongona rĩa ndegwa kana ngʼondu ĩrĩ na kaũgũ kana kawathe o gothe, nĩ gũkorũo ũcio nĩ ũndũ ũrĩ magigi harĩ Jehova Ngai waku.+

19 No nĩ kũgerera thakame ya goro,+ o ta ya gatũrũme gatarĩ na kaũgũ kana kameni,+ ĩrĩa ya Kristo.+