25 Agĩtũma magũrũ ma ngaari ciao macomoke, makĩambĩrĩria kũritũhĩrũo nĩ gũcitwarithia, nao Amisiri mooigaga atĩrĩ: “Nĩ tũũrei tũtigane na Aisiraeli, nĩ gũkorũo Jehova nĩ aramarũĩrĩra harĩ Amisiri.”+

8 Kaĩ nĩ tũkuona ũũru-ĩ! Nũũ ũgũtũhonokia kuuma guoko-inĩ kwa Ngai ũyũ ũrĩ hinya? Ũyũ nĩwe Ngai ũrĩa wahũũrire Misiri na njũragano cia mĩthemba yothe werũ-inĩ.+

2 “Ũũ nĩguo Mũthamaki Kurusu wa Perisia ekuuga, ‘Jehova Ngai wa igũrũ nĩ aheete mothamaki mothe ma thĩ,+ na nĩ anjathĩte ndĩmwakĩre nyũmba thĩinĩ wa Jerusalemu,+ ĩrĩa ĩrĩ Juda. 3 Mũndũ wothe ũrĩ gatagatĩ-inĩ kanyu inyuĩ andũ ake othe, Ngai wake arokorũo hamwe nake, nĩ ambate Jerusalemu, ĩrĩa ĩrĩ Juda, nĩguo agaake rĩngĩ nyũmba ya Jehova Ngai wa Isiraeli, Ngai ũrĩa wa ma o ũcio nyũmba yake yarĩ Jerusalemu.*