17 Nĩ ũndũ ũcio Joshua akĩra nyũmba ya Jusufu, Efiraimu na Manase ũũ: “Mũrĩ andũ aingĩ, na mũrĩ na hinya mũingĩ. Mũtikũheo igai rĩmwe tu,+ 18 ĩndĩ gĩcigo kĩrĩa kĩrĩ irĩma o nakĩo gĩgũkorũo kĩrĩ kĩanyu.+ O na gũtuĩka nĩ mũtitũ, nĩ mũkũũtheria nakuo gũtuĩke gĩcigo kĩanyu kĩrĩa kĩrĩ mũico biũ. Nĩ gũkorũo nĩ mũkũingata Akanaani, o na marĩ na hinya na ngaari cia mbaara irĩ na mĩthece ya kĩgera.”*+