28 Thutha wa kũhoya ũtaaro, mũthamaki agĩthondeka njaũ igĩrĩ cia thahabu+ na akĩra andũ atĩrĩ: “Nĩ mũrigo mũritũ mũno harĩ inyuĩ kwambataga Jerusalemu. Ũyũ nĩwe Ngai wanyu, inyuĩ andũ a Isiraeli, ũrĩa wamũrutire bũrũri wa Misiri.”+ 29 Agĩcoka akĩiga njaũ ĩmwe Betheli,+ nayo ĩyo ĩngĩ akĩmĩiga Dani.+ 30 Na ũndũ ũcio ũgĩtũma mehie,+ na andũ acio maathiaga o nginya Dani gũthathaiya njaũ ĩyo yarĩ kũu.

33 O na thutha wa maũndũ macio gwĩkĩka, Jeroboamu ndaigana kũgarũrũka atigane na mĩthiĩre yake mĩũru, no aathiire o na mbere gũthuura athĩnjĩri-ngai a gũtungataga kũndũ kũrĩa gũtũũgĩru kuuma kũrĩ andũ arĩa angĩ.+ Aathuuraga mũndũ o wothe ũngĩendire, akamũtua mũthĩnjĩri-ngai,* akoiga ũũ: “Nĩ atuĩke ũmwe wa athĩnjĩri-ngai a gũtungataga kũndũ kũrĩa gũtũũgĩru.”+