• Thaburi 135:15-18
    New World Translation in Kikuyu

    • 15 Mĩhianano ya ndũrĩrĩ nĩ betha na thahabu,

      Wĩra wa moko ma andũ.+

      16 Nĩ ĩrĩ kanua, no ndĩngĩhota kwaria;+

      Nĩ ĩrĩ maitho, no ndĩngĩhota kuona;

      17 Nĩ ĩrĩ matũ, no ndĩngĩhota kũigua.

      Ndĩkoragwo na mĩhũmũ kanua-inĩ kayo.+

      18 Andũ arĩa mamĩthondekaga makaahaana o tayo,+

      O hamwe na arĩa othe mamĩĩhokaga.+

  • Isaia 46:6
    New World Translation in Kikuyu

    •  6 Nĩ kũrĩ andũ maitũrũraga thahabu kuuma mondo-inĩ ciao;

      Magathima betha ratiri igũrũ.

      Makarĩha mũturi wa cuma, nake agacithondeka igatuĩka ngai.+

      Nao magacoka magaturumithia mĩtwe yao thĩ, makamĩthathaiya.*+

  • Jeremia 10:3, 4
    New World Translation in Kikuyu

    •  3 Nĩ gũkorũo mĩtugo ya ikundi icio cia andũ nĩ ya maheeni.*

      Nĩ mũtĩ tu wa mũtitũ ũtemetwo,

      Ũkarutĩrũo wĩra nĩ moko ma bundi akĩhũthĩra kĩndũ gĩake kĩa wĩra.*+

       4 Maũgemagia na betha na thahabu+

      Na makaũrũmia makĩhũthĩra nyundo na mĩcumarĩ nĩgetha ndũkagwe.+

  • Jeremia 10:8, 9
    New World Translation in Kikuyu

    •  8 Othe nĩ andũ matarĩ wĩcirio na nĩ akĩgu.+

      Ũrutani uumĩte harĩ mũtĩ nĩ maheeni matheri.*+

       9 Betha ĩrĩa hũũre ĩrehagwo kuuma Tarishishi+ na thahabu ĩkarehwo kuuma Ufazu,

      Wĩra wa bundi, wĩra wa moko ma mũturi wa cuma.

      Nguo ciayo nĩ cia ndigi cia rangi wa mburuu na cia rangi wa papũ.

      Mĩhianano ĩyo yothe ĩthondekagwo nĩ aruti wĩra marĩ na ũũgĩ.