22 Na rĩrĩ, Eli aarĩ mũkũrũ mũno, no nĩ aaiguĩte ũrĩa wothe ariũ ake meekaga+ andũ othe a Isiraeli na ũrĩa maakomaga na atumia arĩa maatungataga mũromo-inĩ wa hema ya gũtũnganwo.+ 23 Aameeraga ũũ: “Nĩ kĩĩ kĩratũma mwĩke maũndũ na njĩra ĩno? Tondũ maũndũ marĩa ndĩraigua mamwĩgiĩ kuuma kũrĩ andũ othe nĩ moru. 24 Aca ariũ akwa, ũhoro ũrĩa ndĩraigua ũgĩtheremio gatagatĩ-inĩ ka andũ a Jehova ti mwega. 25 Mũndũ angĩhĩria mũndũ ũrĩa ũngĩ, mũndũ no amũthaithanĩrĩre harĩ Jehova;* no mũndũ angĩĩhĩria Jehova-rĩ,+ nũũ ũngĩmũhoera?” Ĩndĩ nĩ maaregire gũthikĩrĩria ithe, nĩ gũkorũo Jehova nĩ aatuĩte atĩ nĩ ekũmoraga.+

8 Na rĩrĩa Samueli aakũrire, akĩamũra ariũ ake matuĩke atiirĩrĩri bũrũri thĩinĩ wa Isiraeli. 2 Mũrũ wake wa irigithathi eetagwo Joeli nake wa kerĩ eetagwo Abija;+ maarĩ atiirĩrĩri bũrũri thĩinĩ wa Biri-shiba. 3 No ariũ ake matiarũmĩrĩire mĩthiĩre yake; maathingataga uumithio ũtarĩ wa kĩhooto,+ makamũkĩra mahaki,+ na makogomia kĩhooto.+

14 O rĩo Daudi akĩra ndungata ciake ciothe iria ciarĩ nake Jerusalemu atĩrĩ: “Ũkĩrai tũũre,+ nĩ gũkorũo gũtirĩ o na ũmwe witũ ũkũhota gwĩthara kuuma harĩ Abisalomu! Mwĩhĩkei, nĩguo ndakahiũhe atũkinyĩre na atwanange na atharĩkĩre itũũra rĩrĩ na rũhiũ rwa njora!”+