19 Nĩ gũkorũo nĩ menyanĩte nake nĩgetha athage ariũ ake na andũ a nyũmba yake arĩa magooka thutha wake nĩguo marũmagĩrĩre njĩra ya Jehova harĩ gwĩkaga maũndũ marĩa magĩrĩire na ma kĩhooto,+ nĩguo Jehova akaahingia ũndũ ũrĩa eeranĩire ũhoro-inĩ wĩgiĩ Iburahimu.”

9 “Wĩmenyerere na wĩhũge mũno, nĩguo ndũkanariganĩrũo nĩ maũndũ marĩa wĩyoneire na maitho maku na nĩguo matikanehere ngoro-inĩ yaku matukũ mothe ma ũtũũro waku. Ningĩ nĩ wagĩrĩirũo kũmamenyithia ariũ aku o hamwe na ariũ a ciana ciaku.+

21 Agĩcoka akĩra Aisiraeli ũũ: “Ihinda rĩũkĩte ciana cianyu ingĩkoria maithe ma cio atĩrĩ, ‘Mahiga maya nĩ ma kĩ?’+ 22 mwagĩrĩirũo gũgataarĩria ciana cianyu mũciĩre ũũ: ‘Aisiraeli maaringire Jorodani magereire thĩ nyũmũ+ 23 rĩrĩa Jehova Ngai wanyu aahũithirie maĩ ma Jorodani mbere yao nginya makĩrĩkia kũringa, o ta ũrĩa Jehova Ngai wanyu eekire Iria Itune rĩrĩa aarĩhũithirie mbere itũ nginya tũkĩrĩkia kũringa.+ 24 Eekire ũguo nĩguo ikundi ciothe cia andũ thĩinĩ wa thĩ imenye ũrĩa guoko kwa Jehova kũrĩ hinya+ na nĩguo mwĩtigagĩre Jehova Ngai wanyu hingo ciothe.’”