17 Na andũ othe arĩa matuĩte itua rĩa gũthiĩ Misiri magatũũre kuo makooragwo na rũhiũ rwa njora, ngʼaragu, na mũrimũ mũũru. Gũtirĩ o na ũmwe wao ũkaahonoka kana orĩre ũũru ũrĩa ngaamarehera.”’

18 “Nĩ gũkorũo ũũ nĩguo Jehova mũnene wa ita, o we Ngai wa Isiraeli ekuuga: ‘O ta ũrĩa marakara makwa na mangʼũrĩ makwa maaitĩrĩirio aikari a Jerusalemu,+ ũguo noguo mũgaitĩrĩrio mangʼũrĩ makwa mũngĩgathiĩ Misiri, na mũgaatuĩka kĩrumi, kĩndũ gĩa kũguoyohia, kĩndũ gĩa kwagĩrũo kĩene, na kĩndũ gĩa kũnyũrũrio,+ na kũndũ gũkũ mũtigaakuona rĩngĩ.’