ŨTHUTHURIA INTANETI-INĨ

ŨTHUTHURIA INTANETI-INĨ

Isaia 11:16

New World Translation in Kikuyu
- 16 Na nĩ gũgaakorũo na barabara nene+ kuuma Ashuri nĩ ũndũ wa matigari ma andũ ake arĩa matigarĩte,+
  Ta ĩrĩa yarĩ kuo nĩ ũndũ wa Isiraeli mũthenya ũrĩa ooimire bũrũri wa Misiri.

Isaia 65:10

New World Translation in Kikuyu
- 10 Sharoni+ gũgaatuĩka kũndũ gwa kũrĩithio ngʼondu
  Naguo Mũkuru wa* Akori+ ũtuĩke kũndũ gwa kũhurũkagwo nĩ ngʼombe,
  Nĩ ũndũ wa andũ akwa arĩa manjaragia.

Jeremia 23:3

New World Translation in Kikuyu
- 3 “Na niĩ nĩ ngaacokanĩrĩria hamwe ngʼondu ciakwa iria igaakorũo itigarĩte kuuma mabũrũri-inĩ mothe marĩa ndacihurunjire,+ na nĩ ngaacicokia ũrĩithio-inĩ wacio,+ na nĩ igaaciarana na cingĩhe.+

Jeremia 33:7

New World Translation in Kikuyu
- 7 Na nĩ ngaacokia andũ arĩa matahĩtwo a Juda na andũ arĩa matahĩtwo a Isiraeli,+ na nĩ ngaamaaka o ta ũrĩa ndekire kĩambĩrĩria-inĩ.+

Ezekieli 34:14

New World Translation in Kikuyu
- 14 Ngaacirĩithia kũndũ kũrĩ na ũrĩithio mwega, na bũrũri ũrĩa ikaarĩaga ũgaakorũo ũrĩ irĩma-inĩ iria ndaya cia Isiraeli.+ Ikaarahaga kũu kũrĩ na ũrĩithio mwega+ na ikaarĩaga kũndũ kũrĩa kwega irĩma-inĩ cia Isiraeli.”

Mika 2:12

New World Translation in Kikuyu
- 12 Hatarĩ nganja nĩ ngaamũcokanĩrĩria inyuothe andũ a Jakubu;
  Ti itherũ nĩ ngaacokanĩrĩria andũ arĩa matigarĩte a Isiraeli.+
  
  Nĩ ngaamaiga marĩ na ũrũmwe, o ta ngʼondu irĩ kiugũ,
  O ta rũũru rũrĩ ũrĩithio-inĩ waruo;+
  Gũgaakorũo na inegene rĩa andũ.’+