ŨTHUTHURIA INTANETI-INĨ

ŨTHUTHURIA INTANETI-INĨ

Isaia 61:1

New World Translation in Kikuyu
- 61 Roho wa Jehova Mwathani Ũrĩa Mũnene ũrĩ igũrũ rĩakwa,+
  Tondũ Jehova nĩ aanjitĩrĩirie maguta nĩguo hunjie ũhoro mwega kũrĩ arĩa ahooreri.+
  
  Akĩndũma nĩguo njohe nguraro cia arĩa athuthĩku ngoro,
  Nĩguo ngahunjie ũhoro wĩgiĩ kũrekererio kwa arĩa manyitĩtwo mĩgwate
  Na ũhoro wĩgiĩ kũhingũrũo maitho biũ kwa andũ arĩa ohe,+

Aroma 6:14

New World Translation in Kikuyu
- 14 Nĩ gũkorũo no mũhaka mehia matige kũmwathaga, kuona atĩ mũtirĩ rungu rwa watho+ no mũrĩ rungu rwa ũtugi mũnene.+

Aroma 8:15

New World Translation in Kikuyu
- 15 Nĩ gũkorũo mũtiaamũkĩrire roho wa ũkombo wa kũrehe guoya rĩngĩ, no mwaamũkĩrire roho wa kũmũtua ariũ, roho o ũrĩa ũtũmaga twanĩrĩre tũkoiga: “Abba,* Baba!”+

Agalatia 5:1

New World Translation in Kikuyu
- 5 Nĩ gũkorũo Kristo aatũkũũrire nĩguo tũgĩe na wĩyathi ũcio. Nĩ ũndũ ũcio, rũgamai mwĩrũmĩtie,+ na mũtigetĩkĩre kuohwo icoki-inĩ rĩa ũkombo rĩngĩ.+

Agalatia 5:13

New World Translation in Kikuyu
- 13 Atĩrĩrĩ ariũ a Ithe witũ, inyuĩ mwetĩirũo wĩyathi; no mũtikahũthĩre wĩyathi ũcio ũrĩ mweke wa gũthingata merirĩria ma mwĩrĩ,+ no nĩ ũndũ wa wendo-rĩ, tungatanagĩrai o mũndũ na ũrĩa ũngĩ.+