Mika
2 “Kaĩ andũ arĩa mabangaga maũndũ moru marĩ na haaro-ĩ,
Arĩa mathugundaga ũũru marĩ marĩrĩ-inĩ mao!
Rĩrĩa ũtheri wa rũcinĩ woimĩra makawĩka,
Tondũ ũhoti wa kũwĩka ũrĩ guoko-inĩ kwao.+
2 Meriragĩria mĩgũnda na makamĩtunyana;+
O na nyũmba, na magacioya;
Nĩ matunyaga mũndũ nyũmba yake,+
Magatunya mũndũ igai rĩake.
3 Nĩ ũndũ ũcio, Jehova oigĩte ũũ:
‘Nĩ ndĩrabanga thĩna kwerekera famĩlĩ ĩno+ na mũtikaahota gwĩthara.*+
Mũtigaacoka gũthiaga na mwĩtĩo,+ tondũ nĩ ihinda rĩa thĩna.+
4 Mũthenya ũcio andũ nĩ makaagwetaga thimo ĩmũkoniĩ,
Na nĩ makaamũcakaĩra marĩ na ruo rũingĩ.+
Makooiga atĩrĩ: “Nĩ twanangĩtwo biũ!+
Nĩ aatũmire igai rĩa andũ akwa rĩneanwo moko-inĩ ma andũ angĩ—kaĩ nĩ eheragia igai kuuma harĩ niĩ-ĩ!+
Aneanaga mĩgũnda itũ kũrĩ mũndũ ũrĩa ũtarĩ mwĩhokeku.”
5 Nĩ ũndũ ũcio, ndũgaakorũo na mũndũ wa gũtambũrũkia rũrigi rwa gũthima,
Nĩguo agayanie bũrũri kĩũngano-inĩ kĩa Jehova.
6 Mahunjagia makoiga, “Tigai kũhunjia!
Matiagĩrĩirũo kũhunjia maũndũ macio;
Gĩconoko gĩtigaatũkinyĩrĩra!”
7 Atĩrĩrĩ wee nyũmba ya Jakubu, hihi nĩ kwĩragwo atĩrĩ:
“Kaĩ roho wa Jehova wagĩte ũkirĩrĩria?
Hihi ici nĩ ciĩko ciake?”
Na githĩ ciugo ciakwa itirehagĩra andũ arĩa mathiaga na mĩthiĩre mĩrũngĩrĩru maũndũ mega?
8 Ĩndĩ ica ikuhĩ andũ akwa mwene nĩ marahũkĩte o ta thũ.
Mũtiĩtigagĩra gũtunyana ithaga rĩrĩa ithaka hamwe na nguo*
Kuuma harĩ andũ arĩa marahĩtũka mategwĩtigĩra, o ta andũ maracoka kuuma mbaara-inĩ.
9 Nĩ mũingataga atumia a andũ akwa moime nyũmba-inĩ ciao iria mendete;
Mweheragia riri wakwa kuuma harĩ ciana ciao tene na tene.
10 Ũkĩrai mũthiĩ, tondũ kũndũ gũkũ gũtirĩ na ũhurũko.
Nĩ ũndũ wa thahu,+ kũrĩ na mwanangĩko, mwanangĩko mũnene.+
11 Mũndũ angĩrũmĩrĩra rũhuho na maheeni na aheenanie oige atĩrĩ:
“Nĩ ngũmũhunjĩria ũhoro wa ndibei na njohi,”
Ũcio nĩwe mũhunjia ũrĩa ũngĩtĩkĩrĩka harĩ andũ aya!+
12 Hatarĩ nganja nĩ ngaamũcokanĩrĩria inyuothe andũ a Jakubu;
Ti itherũ nĩ ngaacokanĩrĩria andũ arĩa matigarĩte a Isiraeli.+
Nĩ ngaamaiga marĩ na ũrũmwe, o ta ngʼondu irĩ kiugũ,
O ta rũũru rũrĩ ũrĩithio-inĩ waruo;+
Gũgaakorũo na inegene rĩa andũ.’+
13 Ũrĩa ũgaatũrĩkia njĩra agaathiĩ arĩ mbere yao;
Nĩ magaatũrĩkia na magerere kĩhingo-inĩ moimĩre ho.+
Mũthamaki wao agaathiĩ arĩ mbere yao,
Jehova amatongoretie.”+