Joeli
2 “Huuhai coro kũu Zayuni!+
Ugĩrĩriai mbugĩrĩrio ya mbaara kĩrĩma-inĩ gĩakwa kĩrĩa kĩamũre.
2 Nĩ mũthenya mũtumanu na wa nduma,+
Mũthenya wa matu na nduma ndumanu,+
Ta ũtheri wa rũcinĩ gũgĩkĩa ũgĩtherema irĩma-inĩ.
Kũrĩ na gĩkundi kĩa andũ aingĩ na marĩ hinya;+
Gũtirĩ kwagĩa kĩngĩ ta kĩo hau kabere,
Na gũtikaagĩa kĩngĩ ta kĩo
Mĩaka-inĩ ya njiarũa ciothe.
3 Mbere yakĩo kũrĩ na mwaki ũraniina,
Na thutha wakĩo rũrĩrĩmbĩ rũracina.+
Bũrũri ũrĩa ũrĩ mbere yakĩo ũhaana ta mũgũnda wa Edeni,+
No thutha wakĩo kũrĩ na werũ mũtiganĩrie,
Na gũtirĩ kĩndũ kĩngĩhonoka.
4 Mũhianĩre wakĩo nĩ ta mũhianĩre wa mbarathi,
Na matengʼeraga ta mbarathi cia mbaara.+
5 Mũgambo wao nĩ ta wa ngaari cia mbarathi makĩrũga tũcũmbĩrĩ-inĩ twa irĩma,+
O ta gũtũratũrĩka kwa mwaki ũrarĩrĩmbũka ũrĩa ũcinaga mahuti.
Nĩ ta gĩkundi kĩa andũ marĩ hinya mebangĩte nĩ ũndũ wa mbaara.+
6 Ikundi cia andũ nĩ igaatangĩka nĩ ũndũ wao.
Mothiũ mothe nĩ magaathita.
7 Matharĩkagĩra ta njamba cia ita,
Mahaicaga rũthingo ta thigari,
O ũmwe wao athiagĩra njĩra-inĩ yake mwene,
Na matieheraga njĩra-inĩ ciao.
8 Matitindĩkanaga;
O mũndũ athiagĩra njĩra-inĩ yake arũngĩrĩirie.
Amwe mangĩgũithio nĩ matharaita,
Acio angĩ matieheraga ikundi-inĩ ciao.
9 Mahanyũkaga thĩinĩ wa itũũra, magatengʼera rũthingo igũrũ.
Mahaicaga igũrũ rĩa nyũmba, makaingĩrĩra ndirica-inĩ ta mũici.
10 Bũrũri nĩ ũrainaina mbere yao, narĩo igũrũ rĩgathingitha.
Riũa na mweri nĩ igĩĩte nduma,+
Nacio njata itirĩ na ũtheri wacio.
11 Jehova nĩ akaanĩrĩra na mũgambo mũnene mbere ya mbũtũ yake,+ tondũ thigari ciake nĩ nyingĩ mũno.+
Nĩ gũkorũo ũrĩa ũrahingia kiugo Gĩake nĩ arĩ hinya;
Tondũ mũthenya wa Jehova nĩ mũnene na wa kũmakania mũno.+
Nũũ ũngĩhota kũwĩtiiria?”+
12 “Ĩndĩ o na rĩu, njokererai na ngoro cianyu ciothe,”+ ũguo nĩguo Jehova ekuuga,
“Mũkĩĩhingaga kũrĩa+ na mũkĩrĩraga o na mũgĩcakayaga.
13 Tembũrai ngoro cianyu,+ no ti nguo cianyu,+
Na mũcokerere Jehova Ngai wanyu,
Nĩ gũkorũo nĩ mũcayanĩri* na mũigua tha, ndahiũhaga kũrakara+ na aiyũirũo nĩ wendo mwĩhokeku,+
Nake nĩ ekwĩricũkwo* ũũru ũcio.
14 Nũũ ũĩ kana nĩ ekũgarũrũka ericũkwo*+
Na amũtigĩre kĩrathimo,
Igongona rĩa mũtu na igongona rĩa ndibei nĩ ũndũ wa Jehova Ngai wanyu?
15 Huuhai coro kũu Zayuni!
Anĩrĩrai* ihinda rĩa kwĩhinga; ĩtai kĩgomano gĩtheru.+
16 Cokanĩrĩriai andũ; theriai kĩũngano.+
Cokanĩrĩriai athuri arĩa akũrũ;* cokanĩrĩriai ciana na tũkenge tũrĩa tũronga.+
Mũhikania nĩ oime kanyũmba-inĩ gake ga thĩinĩ, nake mũhiki oime kanyũmba-inĩ gake.
17 Gatagatĩ ga gĩthaku na kĩgongona+
Athĩnjĩri-Ngai arĩa matungatagĩra Jehova nĩ marĩre na moige atĩrĩ:
‘Iguĩra andũ aku tha, wee Jehova;
Ndũgatũme igai rĩaku rĩtuĩke kĩndũ gĩa kũnyararũo,
Na njĩra ya kũreka ndũrĩrĩ imaathage.
Nĩ kĩĩ kĩngĩgĩtũma ikundi cia andũ ciũrie atĩrĩ, “Ngai wao arĩ ha?”’+
18 Nake Jehova nĩ agaakorũo na kĩyo nĩ ũndũ wa bũrũri wake
Na acaĩre andũ ake.+
19 Jehova nĩ agaacokeria andũ ake ameere atĩrĩ:
‘Nĩ ngũmũtũmĩra ngano* na ndibei njerũ* na maguta,
Na inyuĩ nĩ mũkũhũna biũ;+
Ndigacoka gũtũma mũtuĩke kĩndũ gĩa kũnyũrũrio gatagatĩ-inĩ ka ndũrĩrĩ.+
20 Nĩ ngaaingata mũndũ wa mwena wa rũgongo athiĩ kũraihu mũno na inyuĩ;
Ngaamũhurunja athiĩ bũrũri-inĩ mũũmũ, bũrũri mũtiganĩrie na mwanangĩku,
Na thigari ciake iria itongoragia ndĩcihurunje* kwerekera iria rĩa mwena wa irathĩro*
Nacio iria ithiaga irĩ thutha ndĩcihurunje kwerekera iria rĩa mwena wa ithũĩro.*
Mũnungo mũũru kuuma harĩ we nĩ ũkaambata,
Kĩheera kiumĩte harĩ we gĩgaaikara gĩkĩambataga;+
Nĩ gũkorũo Ngai nĩ ageeka maũndũ manene.’
21 Ndũgetigĩre, wee bũrũri,
Kena na ũcanjamũke, nĩ gũkorũo Jehova nĩ ageeka maũndũ manene.
22 Mũtigetigĩre, inyuĩ nyamũ cia gĩthaka,
Nĩ gũkorũo ũrĩithio wa werũ-inĩ nĩ ũkaarura,+
Nayo mĩtĩ nĩ ĩkaaruta maciaro;+
Mũtĩ wa mũkũyũ hamwe na mũthabibũ no mũhaka ĩkaaruta maciaro mayo biũ.+
23 Inyuĩ ariũ a Zayuni, kenai na mũcanjamũke nĩ ũndũ wa Jehova Ngai wanyu;+
Tondũ nĩ akaamũhe mbura ya mbere mũigana ũrĩa wagĩrĩire,
Na nĩ akaamũtũmĩra mbura nene,
Mbura ya mbere na mbura ya kũrigĩrĩria, o ta hau kabere.+
25 Na nĩ ngaamũrĩha nĩ ũndũ wa mĩaka
Ĩrĩa mĩmera yanyu ĩrĩĩtwo nĩ ngigĩ iria ithiaga irĩ gĩkundi, ngigĩ iria itarĩ mathagu, ngigĩ iria irĩ mũkoroko, na ngigĩ iria itamburaga,
O icio mbũtũ yakwa nene ĩrĩa ndatũmire gatagatĩ-inĩ kanyu.+
26 Hatarĩ nganja nĩ mũkaarĩa na mũhũne,+
Na nĩ mũkaagooca rĩĩtwa rĩa Jehova Ngai wanyu,+
O ũcio wĩkĩte maũndũ ma magegania nĩ ũndũ wanyu;
Andũ akwa matigaacoka gũconorithio rĩngĩ.+
Andũ akwa matigaacoka gũconorithio rĩngĩ.
28 Thutha ũcio nĩ ngaaitĩrĩria andũ a mĩthemba yothe* roho wakwa,+
Na ariũ anyu na aarĩ anyu nĩ makaaratha mohoro,
Athuri anyu arĩa akũrũ nĩ makaarota iroto,
Nao anake anyu nĩ makoona cioneki.+
29 O na ngombo ciakwa cia arũme na cia atumia
Nĩ ngaaciitĩrĩria roho wakwa matukũ-inĩ macio.
30 Na nĩ ngoonania maũndũ ma magegania* igũrũ na thĩ.
Gũgaakorũo na thakame na mwaki na itugĩ cia ndogo.+