Marũa ma Kerĩ ma Petero
2 O na kũrĩ ũguo, nĩ kuoimĩrire anabii a maheeni gatagatĩ-inĩ ka andũ, o ta ũrĩa gũkoimĩra arutani a maheeni gatagatĩ-inĩ kanyu.+ Acio nĩ makaaingĩria ikundi njũru cia nyamũkano na njĩra ĩĩhithanĩtie, na nginya nĩ magaakaana mwene o ũrĩa wamagũrire,+ na nĩ ũndũ ũcio merehere mwanangĩko wa narua. 2 Makĩria ma ũguo, andũ aingĩ nĩ makaarũmĩrĩra mĩtugo yao ya rũtũrĩko,*+ na njĩra ya ũhoro ũrĩa wa ma nĩ ĩkaanyũrũrio nĩ ũndũ wao.+ 3 Ningĩ, nĩ ũndũ wa ũkoroku wao nĩ makaamũhũthĩra ũũru kũgerera ciugo cia maheeni. No ituĩro rĩao, rĩrĩa rĩatuirũo tene mũno+ rĩtiregucia, na mwanangĩko wao ndũrĩ toro.+
4 Hatarĩ nganja Ngai ndaagire kũherithia araika arĩa meehirie,+ no aamaikirie Tarataro,*+ akĩmoha mĩnyororo ya* nduma nene meterere ituĩro.+ 5 Na ndaagire kũherithia thĩ ĩrĩa ya tene,+ no nĩ aahonokirie Nuhu, mũhunjia wa ũthingu,+ hamwe na andũ angĩ mũgwanja+ hĩndĩ ĩrĩa aarehire mũiyũro igũrũ rĩa thĩ ya andũ mateetigĩrĩte Ngai.+ 6 Na rĩrĩa aacinire matũũra ma Sodomu na Gomora magĩtuĩka mũhu, nĩ kũmatuĩra aamatuĩrĩire,+ akĩiga kĩonereria kĩa maũndũ marĩa magooka harĩ andũ arĩa matetigĩrĩte Ngai.+ 7 Na akĩhonokia Loti,+ mũndũ warĩ mũthingu, ũrĩa watangĩkaga mũno nĩ ũndũ wa mĩtugo ya rũtũrĩko* ya andũ arĩa mooinaga watho— 8 nĩ gũkorũo o mũthenya mũndũ ũcio mũthingu nĩ aanyarirĩkaga nĩ ũndũ wa ciĩko cia uuni-watho iria eeyonagĩra na akaigua hĩndĩ ĩrĩa aatũũranagia nao. 9 Nĩ ũndũ ũcio, Jehova* nĩ oĩ kũhonokia andũ arĩa makoragwo na wĩrutĩri Ngai kuuma igerio-inĩ,+ ĩndĩ nĩ oĩ kũiga andũ arĩa matarĩ athingu nĩguo makaaniinwo mũthenya wa ciira,+ 10 makĩria arĩa mendaga gũthahia mĩĩrĩ ya arĩa angĩ+ na arĩa manyararaga wathani.+
Andũ acio matimakaga na nĩ etĩi, na matiĩtigĩraga kwaria maũndũ moru megiĩ arĩa makoragwo na riri, 11 no araika, o na gũtuĩka nĩ marĩ ũhoti na hinya mũingĩ kũmakĩra, matimathitangaga na irumi, nĩ ũndũ wa gĩtĩo kĩrĩa maheete* Jehova.*+ 12 No andũ acio, o ta nyamũ iria iteciragia na ciĩkaga maũndũ kũringana na ũũgĩ wa mũũmbĩre, o icio iciaragwo nĩgetha inyitagwo na ikaniinwo, nĩ maragia ũũru ũhoro-inĩ wĩgiĩ maũndũ marĩa matoĩ.+ Andũ acio nĩ magaakorũo nĩ mwanangĩko ũrĩa ũkaarehwo nĩ mĩthiĩre yao mĩũru, 13 mone ũũru ũrĩ marĩhi ma mĩthiĩre yao mĩũru.
Monaga ũrĩ ũndũ wa gũcanjamũra kwĩingĩria mũtũũrĩre-inĩ wa mĩago+ nginya mũthenya. Acio nĩ imeni na marooro, na nĩo mekenagia magakĩria njano* harĩ morutani mao ma maheeni rĩrĩa marĩ maruga-inĩ hamwe na inyuĩ.+ 14 Maitho mao maiyũire ũtharia+ na matihotaga gũtigana na mehia, na nĩ magucagĩrĩria arĩa matehandĩte wega. Marĩ ngoro ĩmenyeretio gũkoroka. Acio nĩ ciana inyitĩtwo nĩ kĩrumi. 15 Nĩ mahĩtithĩtio, magatigana na njĩra ĩrĩa nũngarũ. Marũmĩrĩire njĩra ĩrĩa ya Balaamu+ mũrũ wa Beori, ũrĩa weendire kĩheo gĩa gwĩka ũũru,+ 16 no nĩ aarũngirũo nĩ ũndũ wa kwagarara ũndũ ũrĩa wagĩrĩire.+ Nyamũ ya gũkuua mĩrigo ĩtaragia ĩkĩaria na mũgambo wa mũndũ, ĩkĩgirĩrĩria ũgũrũki wa mũnabii ũcio.+
17 Andũ acio nĩ matherũkĩro matarĩ na maĩ, na nĩ ibii iria itwaragwo nĩ kĩhuhũkanio kĩnene, nao maigĩirũo nduma ĩrĩa ndumanu biũ.+ 18 Maragia ciugo iraiguĩka ta irĩ cia bata no nĩ cia tũhũ. Na njĩra ya kũgucĩrĩria merirĩria ma mwĩrĩ+ na makĩhũthĩra ciĩko cia rũtũrĩko,* maheenagĩrĩria andũ arĩa maretharire ica ikuhĩ kuuma kũrĩ arĩa matũũraga mahĩtagia.+ 19 Mameeragĩra wĩyathi, no o ene nĩ ngombo cia ũhoro wa kũbutha;+ nĩ gũkorũo mũndũ o wothe angĩtoorio nĩ mũndũ, we nĩ ngombo yake.*+ 20 Hatarĩ nganja, angĩkorũo thutha wa gwĩthara kuumana na maũndũ marĩ thahu ma thĩ ĩno+ kũgerera ũmenyo wa ma wĩgiĩ Mwathani na Mũhonokia Jesu Kristo macokaga o rĩngĩ maũndũ-inĩ macio na magatoorio-rĩ, marigĩrĩrio mao matuĩkĩte moru harĩ o gũkĩra mbere.+ 21 Nĩ kaba matangĩagĩĩte na ũmenyo wa ma wĩgiĩ njĩra ya ũthingu gũkĩra kũmĩmenya magacoka makahũgũka magatigana na rĩathani itheru rĩrĩa maamũkĩrĩte.+ 22 Ũndũ ũrĩa thimo ĩno ya ma yugaga nĩ wĩkĩkĩte harĩ o: “Ngui nĩ ĩcokereire matahĩko mayo, na ngũrũe ya mũgoma ĩgacoka kwĩgaragaria mũtondo-inĩ thutha wa gũthambio.”+