Atiirĩrĩri Bũrũri
5 Na mũthenya ũcio Debora+ hamwe na Baraki+ mũrũ wa Abinoamu makĩina rwĩmbo rũrũ:+
3 Thikĩrĩriai, inyuĩ athamaki! Tegai gũtũ, inyuĩ athani!
Nĩ ngũinĩra Jehova.
Nĩ ngũina nyĩmbo ngooce Jehova,+ Ngai wa Isiraeli.+
4 Wee Jehova, rĩrĩa woimire Seiru,+
Rĩrĩa woimire gĩcigo-inĩ kĩa Edomu,
Thĩ no kũinaina yainainire, na igũrũ rĩkiura,
Namo matu magĩita maĩ.
5 Irĩma igĩtweka* mbere ya ũthiũ wa Jehova,+
O na Sinai ĩgĩtweka mbere ya ũthiũ wa Jehova,+ Ngai wa Isiraeli.+
6 Matukũ-inĩ ma Shamigari+ mũrũ wa Anathu,
Matukũ-inĩ ma Jaeli,+ barabara nĩ ciatiganĩirio;
Agendi maageragĩra tũcĩra twa thutha.
7 Aikari a icagi-inĩ thĩinĩ wa Isiraeli magĩthira;
Magĩthira o nginya rĩrĩa niĩ, Debora,+ ndarahũkire,
O nginya rĩrĩa ndarahũkire ngĩtuĩka nyina wa Isiraeli.+
Gũtingĩonekire ngo, o na kana itimũ,
Gatagatĩ-inĩ ka andũ 40,000 thĩinĩ wa Isiraeli.
Goocai Jehova!
10 Inyuĩ atwarithia a ndigiri cia rangi mũtheũku,
Inyuĩ mũikaragĩra mĩgeka ĩrĩa mĩega,
Na inyuĩ mũgeraga barabara-inĩ,
Mwĩcũraniei!
11 Mĩgambo ya arĩa matahanagĩra maĩ nĩ yaiguirũo kũrĩa gũtahagwo maĩ;
Maaragia ũhoro wĩgiĩ ciĩko cia ũthingu cia Jehova,
Ciĩko cia ũthingu cia aikari ake a icagi-inĩ thĩinĩ wa Isiraeli.
Nao andũ a Jehova magĩikũrũka ihingo-inĩ.
12 Arahũka, arahũka, wee Debora!+
Arahũka, arahũka, ũine rwĩmbo!+
Ũkĩra na igũrũ, wee Baraki!+ Tongoria mĩgwate yaku, wee mũrũ wa Abinoamu!
13 Nao arĩa maatigarire magĩikũrũka kũrĩ andũ arĩa marĩ igweta;
Andũ a Jehova magĩikũrũka kũrĩ niĩ mokĩrĩre andũ arĩa marĩ hinya.
14 Arĩa marĩ mũkuru-inĩ* mooimĩte harĩ Efiraimu;
Nĩ makũrũmĩrĩire, wee Benjamini, gatagatĩ-inĩ ka ikundi cia andũ aku.
Kuuma harĩ Makiru+ anene a mbũtũ nĩ maikũrũkĩte,
Na kuuma harĩ Zebuluni arĩa makuuĩte rũthanju rwa mũrutani wa mbaara.*
15 Anene a kuuma Isakaru maarĩ hamwe na Debora,
O ta Isakaru, Baraki o nake aarĩ hamwe nake.+
Agĩtũmwo athiĩ magũrũ mũkuru-inĩ mwaraganu.*+
Gatagatĩ-inĩ ga ikundi cia andũ a Rubeni kwarĩ na ũhoro mũnene wa gwĩthuthuria ngoro.
16 Nĩ kĩĩ gĩatũmire ũikare thĩ gatagatĩ ka mĩhuko ĩĩrĩ ya matandĩko,
Ũkĩmathikagĩrĩria makĩhuuhĩra ndũũru ciao mĩtũrirũ?+
Nĩ gũkorũo ikundi-inĩ cia andũ a Rubeni kwarĩ na ũhoro mũnene wa gwĩthuthuria ngoro.
17 Gileadi aatigirũo mũrĩmo wa Jorodani;+
Nake Dani-rĩ, nĩ kĩĩ gĩatũmire athiĩ o na mbere gũikara meri-inĩ?+
Asheri aaikarire o hũgũrũrũ-inĩ cia iria hatarĩ ũndũ areka,
Agĩgĩtigwo icukĩro-inĩ ciake.+
18 Andũ a Zebuluni nĩo maaingĩririe mĩoyo yao ũgwati-inĩ hakuhĩ makue;
O nake Nafitali,+ agĩka o ũguo tũrĩma-inĩ twa kũndũ kwaraganu.+
No matiatahire betha o na ĩmwe.+
20 Njata kuuma igũrũ ikĩrũa;
Ikĩrũa na Sisera irĩ njĩra-inĩ ciacio.
Ngĩrangĩrĩria andũ arĩa marĩ hinya.
22 Namo mahũngũ ma mbarathi magĩkubia
O ũrĩa mbarathi ciake cia njamba ciatengʼeraga ihenya inene.+
23 Mũraika wa Jehova akiuga ũũ, ‘Merozu ĩronyitwo nĩ kĩrumi,’
‘Ĩni, aikari a kuo maronyitwo nĩ kĩrumi,
Nĩ gũkorũo matiigana gũka gũteithia Jehova,
Matiigana gũka gũteithia Jehova hamwe na arĩa marĩ hinya.’
24 Mũtumia ũrĩa mũrathime gũkĩra arĩa angĩ nĩ Jaeli+
O we mũtumia wa Heberi+ Mũkeni;
Nĩwe mũrathime gũkĩra atumia arĩa angĩ maikaraga hema-inĩ.
25 Sisera aahoire maĩ; nake akĩmũhe iria.
Akĩmũhe iria imata* na mbakũri nene ya iruga.+
26 Aatambũrũkirie guoko gwake akĩoya mũcumarĩ wa hema,
Akĩnyita nyundo ya bundi na guoko gwake kwa ũrĩo.
Akĩhũũrĩrĩra Sisera na nyundo, akĩmũhehenja mũtwe,
Akĩhehenja thikĩrĩrio ciake na agĩcitũrĩkania.+
27 Akĩgwa gatagatĩ ka magũrũ make; akĩgwa agĩkoma atekwĩnyagunyia;
Akĩgwa gatagatĩ ka magũrũ make;
Harĩa aagũire, noho aaikarire agwĩte arĩ mũtoorie.
28 Mũtumia akĩrorera ndirica-inĩ,
Nyina wa Sisera agĩcũũthĩrĩria mĩanya-inĩ ya ndirica,
‘Kaĩ ngaari yake ya mbarathi ĩikarire ũguo nĩkĩ ĩtokĩte?
Mũkubio wa mahũngũ ma mbarathi cia ngaari ciake ũcereirũo ũguo nĩkĩ?’+
29 Mũirĩtu ũrĩa mũũgĩ mũno harĩ airĩtu a gwake arĩa atĩĩku akamũcokeria;
O nake agacokera akeĩra ũũ,
30 ‘No nginya akorũo nĩ kũgayana maragayana indo iria matahĩte,
Mũirĩtu ũmwe, airĩtu erĩ, harĩ o njamba ya ita,
Nguo ya marangi maingĩ ya gũtahwo ĩrĩ ya Sisera, nguo ya gũtahwo ya marangi maingĩ,
Nguo ngʼemie, nguo ya marangi maingĩ, nguo igĩrĩ ngʼemie
Irĩ cia ngingo cia atahani.’
31 Nĩ ũndũ ũcio, thũ ciaku ciothe irothira,+ wee Jehova,
No reke arĩa makwendete mahaane o ta riũa rĩkĩratha na riri warĩo.”