Samueli wa Kerĩ
22 Daudi agĩkĩarĩria Jehova ciugo cia rwĩmbo rũrũ+ mũthenya ũrĩa Jehova aamũhonokirie kuuma guoko-inĩ gwa thũ ciake+ ciothe na kuuma guoko-inĩ gwa Saulu.+ 2 Akiuga ũũ:
“Jehova nĩwe ndũmba yakwa ya ihiga na mwĩgitio wakwa+ na Ũrĩa ũũhonokagia.+
3 Ngai wakwa nĩwe rwaro rwakwa rwa ihiga,+ na njũragĩra harĩ we,
Nĩwe ngo yakwa+ na rũhĩa* rwakwa rwa ũhonokio,* rĩũrĩro rĩakwa irũmu+
Nĩwe handũ hakwa ha kũũrĩra,+ mũhonokia wakwa;+ o wee ũũhonokagia kuumana na ũhinya.
4 Ngayagĩra Jehova, o ũcio wagĩrĩire kũgoocwo,
Na nĩ ngaahonokio kuuma harĩ thũ ciakwa.
5 Makũmbĩ ma gĩkuũ maathiũrũrũkĩirie na mĩena yothe;+
Mũiyũro mũnene wa andũ matarĩ kĩene nĩ wanjĩkĩrire guoya.+
7 Ndakaĩire Jehova rĩrĩa ndarĩ na mĩtangĩko,+
Ndaikaraga ngĩkayagĩra Ngai wakwa.
Nake akĩigua mũgambo wakwa arĩ hekarũ-inĩ yake,
Na kĩrĩro gĩakwa gĩa kũhoya ũteithio gĩgĩkinyĩra matũ make.+
8 Thĩ ĩkĩambĩrĩria gũcũga mbere na thutha na ĩgĩthingitha ;+
Mĩthingi ya igũrũ ĩkĩenyenyeka+
Na ĩgĩcũga mbere na thutha tondũ nĩ aarakarĩtio.+
9 Ndogo ĩkĩambata na igũrũ yumĩte maniũrũ-inĩ make,
Na mwaki wa kũniinana ũkiuma kanua-inĩ gake;+
Makara maakanaga mwaki makĩrĩrĩmbũka kuuma harĩ we.
11 Ookire ombũkĩte arĩ igũrũ rĩa kerubi.+
Na nĩ oonekaga arĩ igũrũ rĩa mathagu ma kĩũmbe kĩa roho.*+
12 Agĩcoka akĩiga nduma ĩmũrigicĩirie ta arĩ gĩthũnũ,+
Thĩinĩ wa maĩ marĩ na nduma na matu mairũ.
13 Kuuma harĩ ũtheri ũrĩa warĩ mbere yake-rĩ, makara maakanaga mwaki makĩrĩrĩmbũka.
14 Jehova agĩcoka akĩambĩrĩria kũruruma arĩ igũrũ;+
Ũrĩa ũrĩ Igũrũ Mũno agĩtũma mũgambo wake ũiguĩke.+
16 Na thĩ wa maĩ gũkĩambĩrĩria kuoneka;+
Mĩthingi ya thĩ ĩkĩguũrio nĩ ũndũ wa mũgambo mũnene wa Jehova,
Nĩ ũndũ wa mĩhũmũ ĩrĩa yatuthũkire kuuma maniũrũ-inĩ make.+
17 Agĩtambũrũkia guoko arĩ igũrũ;
Akĩnyita na akĩngucia akĩnduta maĩ-inĩ mariku.+
18 Akĩhonokia kuuma harĩ thũ yakwa ĩrĩa yarĩ na hinya,+
Kuuma harĩ arĩa mathũire, arĩa maarĩ na hinya kũngĩra.
19 Maanjũkĩrĩire mũthenya ũrĩa ndarĩ na thĩna,+
No Jehova nĩwe wandiirĩrĩire.
22 Nĩ gũkorũo ndũire nũmĩtie njĩra cia Jehova,
Na ndirĩ ndeka ũndũ mũũru wa gũtiganĩria Ngai wakwa.
26 Harĩ mũndũ mwĩhokeku, wee ũkoragwo ũrĩ mwĩhokeku;+
Harĩ mũndũ ũtarĩ na ũcuke, mũndũ ũrĩ hinya, wonanagia atĩ ndũrĩ na ũcuke;+
27 Harĩ ũrĩa mũtheru wonanagia atĩ ũrĩ mũtheru,+
28 Tondũ wee nĩ ũhonokagia arĩa menyihagia,+
No maitho maku matikenagio nĩ arĩa marĩ mwĩtĩo, na nĩ ũmanyihagia.+
30 Nĩ ũndũ wa ũteithio waku no hote gũtharĩkĩra gĩkundi kĩa atunyani;
Kũgerera hinya wa Ngai no hote kũrũga rũthingo.+
Akoragwo arĩ ngo harĩ arĩa othe moragĩra harĩ we.+
32 Tondũ rĩrĩ, nũũ ũngĩ Ngai tiga Jehova?+
Na nũũ ũngĩ rwaro rwa ihiga tiga Ngai witũ?+
33 Ngai ũrĩa wa ma nĩwe handũ hakwa harĩa hairigĩre na harũmu,+
Na nĩ egũtũma njĩra yakwa ĩkinyanĩre.+
34 Atũmaga magũrũ makwa mahaane ta ma thwariga;
Nĩ atũmaga hote kũrũgama kũndũ gũtũũgĩru.+
35 Nĩ amenyeragia moko makwa nĩ ũndũ wa mbaara;
Moko makwa no mahote gũkũnja ũta wa gĩcango.
38 Ngũthingata thũ ciakwa na ndĩciniine;
Ndigũcoka citarĩkĩtie kũniinwo biũ.
39 Ngũciniina na ndĩcihehenje, nĩguo itikanarahũke;+
Cikũgwa rungu rwa magũrũ makwa.
42 Makayaga nĩguo maheo ũteithio, no gũtikoragwo na mũndũ wa kũmahonokia;
Makayagĩra nginya Jehova, no ndamaiguaga.+
43 Ngũmahehenja mahaane ta rũkũngũ rũhinyu rwa thĩ;
Ngũmamemenda na ndĩmarangĩrĩrie o ta ndoro njĩra-inĩ.
44 Nĩ ũkũũhonokia kuuma harĩ andũ akwa arĩa macaranagĩria mahĩtia.+
45 Andũ a kũngĩ marĩũkaga mbere yakwa menyihĩtie;+
Ũhoro ũrĩa marĩiguaga ũnjĩgiĩ nĩ ũrĩtũmaga manjathĩkĩre.*
46 Andũ a kũngĩ nĩ mekũũrũo nĩ hinya;
Marĩũkaga makĩinainaga kuuma mĩĩgitio-inĩ yao.
47 Jehova arĩ muoyo! Ũcio ũkoragwo arĩ Rwaro Rwakwa rwa Ihiga arogoocwo!+
Ngai wa rwaro rwa ihiga rwa ũhonokio wakwa nĩ atũũgĩrio.+
48 Ngai ũrĩa wa ma nĩwe ũndĩhagĩria;+
Atooragia ikundi cia andũ agaciiga rungu rwakwa;+
49 Nĩ andeithũraga kuuma harĩ thũ ciakwa.
50 Nĩkĩo ngũgũcokeria ngatho wee Jehova, ndĩ gatagatĩ-inĩ ka ndũrĩrĩ,+