Thaburi

43 Atĩrĩrĩ Ngai, nduĩra ciira,+

Ũndetere ciira-inĩ wakwa+ harĩ rũrĩrĩ rũtarĩ rwĩhokeku.

Honokia kuuma harĩ mũndũ wa maheeni na ũtarĩ mũthingu.

2 Tondũ wee nĩwe Ngai wakwa, handũ hakwa harĩa hairigĩre.+

Nĩ kĩĩ gĩtũmĩte ũndiganĩrie?

Nĩ kĩĩ gĩgũtũma njikare na kĩeha nĩ ũndũ wa kũhinyĩrĩrio nĩ thũ yakwa?+

3 Tũma ũtheri waku na ũhoro waku wa ma.+

Reke indongorie;+

Reke indongorie indware kĩrĩma-inĩ gĩaku kĩrĩa kĩamũre na gĩikaro-inĩ gĩaku kĩrĩa kĩamũre na kĩrĩ riri.+

4 Na nĩ ngũthiĩ kĩgongona-inĩ kĩa Ngai,+

Thiĩ kũrĩ Ngai, o we gĩkeno gĩakwa kĩnene.

Na nĩ ngũkũgooca na kĩnanda kĩa mũgeeto,+ wee Ngai, o wee Ngai wakwa.

5 Nĩ kĩĩ kĩratũma ndangĩke?

Nĩ kĩĩ kĩratũma thĩnĩke ũguo thĩinĩ wakwa?

Eterera Ngai,+

Nĩ gũkorũo nĩ ngũmũgooca o rĩngĩ arĩ we Mũhonokia Wakwa Mũnene, o we Ngai wakwa.+